InfoHub Logo

Sheteldik saıttardan nemese shetelde júrip taýar satyp alǵanda, keıde tólem jasalǵan kezdegi soma men shottan naqty shegerilgen somanyń arasynda aıyrmashylyq baıqalady. Bul jaǵdaılarǵa Kaspi.kz kompanıasy túsinikteme berdi.

Bul týraly Infohub.kz aqparat agenttigi habarlaıdy.

Kompanıanyń málimetinshe, mundaı operasıalar úshin eshqandaı jasyryn nemese qosymsha komısıa alynbaıdy. Aıyrmashylyqtardyń paıda bolýyna halyqaralyq tólem júıeleriniń (Visa, Mastercard) jumys isteý tetikteri men valúta baǵamynyń aýytqýlary sebep bolady.

Tólemniń eki kezeńi

Kaspi.kz mamandarynyń aıtýynsha, sheteldik valútamen jasalǵan tólemder árqashan eki kezeńnen turady:

Osy ýaqyt aralyǵyndaǵy aıyrmashylyqqa baılanysty tólem somasy ózgerýi múmkin. Eger osy kúnderi teńge álsirese, kartadan sál kóbirek aqsha shegeriledi, al teńge nyǵaısa, aıyrmashylyq balansqa qaıtarylady.

Eseptesý málimetterin qaıdan kórýge bolady?

Kaspi.kz qoldanýshylarǵa qosymshadaǵy «Habarlamalar» bóliminde («Meniń Bankim») eseptesýdiń tolyq málimetterin jiberetinin atap ótti. Onda kelesi aqparattar kórsetiledi:

Aqshany qaıtarý kezindegi erekshelikter

Aqshany qaıtarý máselesine keletin bolsaq, bank bul – jańa operasıa ekenin túsindirdi. Dúken valútany qaıtarady, ol teńgege sol kúngi baǵammen konvertasıalanady. Sondyqtan qaıtarylatyn soma da bastapqy tólengen somadan ózgeshe bolýy múmkin.

«Eger satyp alý sátinen bastap baǵam ózgerse, qaıtarylatyn soma bastapqy satyp alý somasynan artyq nemese kem bolýy múmkin», — dep naqtylady bank ókilderi.

Mundaı tranzaksıalarǵa qatysty barlyq derekterdi Kaspi Gold kartasynyń úzindisinen kez kelgen ýaqytta kórýge bolady.