
- 02 sáý. 2025 10:31
- 57
Keleshekte halyqqa qyzmet kórsetý ortalyqtary jabylýy múmkin
Premer-mınıstr Oljas Bektenov memlekettik qyzmetterdiń onlaın formatqa kóshý prosesi jaıly pikir bildirdi. Onyń aıtýynsha, qazirgi ýaqytta elimizde memlekettik qyzmetterdiń kópshiligi onlaın rejımde kórsetilýde, bul bolashaqta halyqqa qyzmet kórsetý ortalyqtarynyń qajettiligin joıýy múmkin.
«Bolashaqta halyqqa qyzmet kórsetý ortalyqtaryna degen suranys azaıyp, olardyń qajettiligi joqqa shyǵarylýy múmkin dep sanaımyz. Ázirge HQKO-lar jumys istep jatyr, biraq olardyń tıimdiligin arttyrýǵa jáne jumysty jetildirýge baǵyttalǵan sharalar qabyldanýy kerek», – dedi ol.
Qazirgi tańda elimizde 334 halyqqa qyzmet kórsetý ortalyǵy 1296 qyzmet túrin usynady. 2023 jyly ortalyqtar 23 mıllıonnan astam qyzmet kórsetken. Biraq bul kórsetkish sońǵy jyldarmen salystyrǵanda tómendegen. Premer-mınıstrdiń aıtýynsha, bul quldyraýdyń basty sebebi – elektrondy qyzmetterdiń belsendi damýy.
Sonymen qatar, 2024 jyly Qaraǵandy jáne Qyzylorda qalalarynda sýper HQKO-lar ashyldy. Bul ortalyqtarda birneshe memlekettik organdar, komýnaldyq uıymdar men bank ókilderi birigip, turǵyndarǵa bir tereze júıesi boıynsha qyzmet kórsetýde.