InfoHub Logo

Qazaqstan dalalaryndaǵy jer, sý ataýlary qazaqtyń tól mádenıetinen, tarıhynan syr shertetin, tárbıelik baǵyt beretin kóptegen derekterge toly ekendigi aqıqat. Bul derekterdi kóneniń kózin kórgen aqsaqaldardan estip kelesi urpaqqa jetkizý qazirgi býynnyń boryshy. Ońtústik Qazaqstan Sozaq aýdany Abaı aýyldyq okrýgy Kelinshek taýdyń eteginde ornalasqan. Shámshi atamyzdyń jyryna qosqan osy Kelinshek taý ataýynyń mynadaı ańyzy bar eken.

Ertede bir patsha qyzyn turmysqa uzatqan eken. Jasaýy barlyq nárseniń eń qundylarynan, eń asyldarynan daıyndalyp, ıttiń tabaǵy ǵana kúmisten, basqa barlyq nárseler altynnan bolǵan eken. Jol jaraǵy daıyndalyp, jasaýy túıelerge artylyp, qyzyn shyǵaryp salyp jatqan patsha: «Qyzym, menen razy shyǵarsyń, sen úshin barymdy aıamaı, sán-saltanatymnyń eń baǵalysyn berip jatyrmyn» degeninde qyzy: «Tóbetimniń ıtaıaǵy kúmisten eken» dep narazy syńaı tanytqan kórinedi. Qyzynyń toıymsyzdyǵyna yzasy kelgen patsha «Tas bolǵyr, tas bol» dep qarǵaǵan eken. Sodan kelinshek jáne búkil jasaýy tasqa aınalǵan eken delinedi.

Shynynda da taý ortada boıshań kelgen sáýkele kıgen kelinshek, aınalasynda túıeler men órkeshteri, jasaýy tizbektelgen osy kórinisti beredi. Oǵan tabıǵattyń ártúrli túske boıaýy erekshe ásemdik beredi. Bul ańyzdyń tárbıelik máni ashkózdi bolmaýdy, barǵa qanaǵat qylýdy,toıymsyz bolmaýdy meńzeıdi. Baı bolsań tasyma, kedeı bolsań jasyma dep ótken babalarymyzdyń árbir sóz, árbir ataýlarynan osyndaı ónegelik dúnıelerdi kóptep kórýge bolady.

---