InfoHub Logo

Qazaqstannyń halyqqa qyzmet kórsetý ortalyqtary Apple Store-ǵa uqsas ashyq servıs aımaqtary bar sıfrlyq ofıs formatyna kóshedi. Bul ózgeris azamattarǵa memlekettik qyzmetterdi jyldamyraq, kezeksiz jáne ózdiginen alý múmkindigin keńeıtedi.

Bul týraly Infohub.kz aqparat agenttigi habarlaıdy.

Nelikten ózgeris qajet

Vıse-premer – jasandy ıntellekt jáne sıfrlyq damý mınıstri Jaslan Mádıev 2026 jylǵy 6 qańtardaǵy Úkimet otyrysynda SON-dardy jańǵyrtý josparyn tanystyrdy. Onyń málimetine súıensek, qazaqstandyqtar SON-darǵa jyl saıyn shamamen 15 mıllıon ret barady, al jalpy aǵynnyń 80 paıyzy bar bolǵany eń tanymal 10 memlekettik qyzmetke tıesili.

Mınıstrdiń aıtýynsha, ótken jyly osy qyzmetterdi tolyq sıfrlandyrý bastaldy. Olardyń bir bóligi balamasyz onlaın-formatqa kóshirilgen, sonyń arqasynda SON-darǵa kelýshiler sany tez tómendep keledi.

Jańa format qalaı jumys isteıdi

Jospar boıynsha SON ornyna «sıfrlyq ofıs» paıda bolady: azamattar qyzmetterdi kompúterler, termınaldar men ózin-ózi qyzmet kórsetý kıoskileri arqyly ózderi rásimdeıdi. Qyzmetkerlerdiń mindeti qujat qabyldaý emes, keńes berý jáne tehnıkalyq qoldaý kórsetýge aýysady. Osylaısha «tereze – kezek – qaǵaz» tártibi birtindep ótkenniń enshisinde qalady.

Akımattarǵa tapsyrma

Jaslan Mádıev óńirlerdegi akımattar jańa formattaǵy ofısderdi tıisti tehnıkamen jáne ınfraqurylymmen jabdyqtaýy tıis ekenin atap ótti. Onyń sózinshe, «yńǵaıly sıfrlyq ofıs» ár akımattyń azamattar aldyndaǵy «vızıt kartochkasyna» aınalýy kerek.

Derekter qaýipsizdigi kúsheıtiledi

Mınıstr buǵan deıin Qazaqstanda derekterdiń qaýipsizdigin arttyrý úshin bazalardaǵy aqparatty maskırovkalaý jáne heshteý, sondaı-aq málimetterdi jappaı vygrýzka jasaýǵa tyıym salý bastamalaryn jarıalaǵan. Bul sharalar sıfrlyq qyzmetterdiń keńeıýi jaǵdaıynda aqparattyq qaýipsizdikti qamtamasyz etýge baǵyttalǵan.