InfoHub Logo

Tanymal jýrnalıs Dınara Sátjan, Baıan Alagózova men «KeshYou» tobynyń burynǵy músheleri Móldir Áýelbekova men Baljan Bıdash arasyndaǵy daýǵa qatysty óz pikirin bildirdi.

Bul týraly Infohub.kz aqparat agenttigi habarlaıdy.

Baıan Alagózovaǵa degen qurmetsizdik

Dınara Sátjannyń aıtýynsha, Móldir men Baljannyń áreketi – Baıan Alagózovaǵa degen qurmetsizdik.

«KeshYou» tobyna bıyl 20 jyl toldy. Bul – naǵyz armıa sıaqty. Baıan talapshyl, keıde qatal bolǵanymen, myqty tálimgerler eshqashan «yńǵaıly» bolmaıdy. Olar adamnyń boıyndaǵy ózi de ómir boıy asha almaýy múmkin áleýetti kórip, qysym jasaıdy», – deıdi ol.

Juldyz bolýdyń joly

Jýrnalıs 20 jyl ishinde «KeshYou» tobynan ótken ondaǵan qyzdyń tanymal juldyz bolyp shyqqanyn atap ótti.

«Móldir Áýelbekova men Baljan Bıdash ol kezde kim edi? Armany men ambısıasy bar qarapaıym qyzdar. Al búginde olar – tanymal, tabysty, óz ornyn tapqan áıelder. Nege olarǵa alǵys aıtý sonshalyqty qıyn? Bul álsizdik emes qoı. Tipti derekti fılmde olardy «sulý» dep aıtpaǵan bolsa da, túsingenimshe, negizgi renish osy sıaqty», – dep jazdy Sátjan.

Mansapqa qosqan úlesti moıyndaý

Dınara Sátjan adamdardy tramplın retinde paıdalaný – shoý-bızneste qalypty nárse ekenin aıtty. Alaıda, Baıan Alagózova men Baǵolıdeı tramplın bolmaǵandaı keıip tanytý – pendeshilik ekenin jetkizdi.

«Eshkim olardan tabynýdy surap otyrǵan joq. Biraq mansaptaryna qosqan úlesti moıyndaý, mereıtoılyq konsertke qatysý – bul qurmettiń belgisi. Baıan Maqsatqyzy men Baǵym Muhıtdenova – Qazaqstannyń eńbek sińirgen qaıratkerleri. Bul – jaı ǵana syılyq emes, kópjyldyq eńbektiń nátıjesi. Memleket pen el olardy moıyndaıdy. Al Móldir men Baljan kim, ózderine esim jasap bergen adamdardyń eńbegin joqqa shyǵaratyndaı?» – dep saýal tastady jýrnalıs.