InfoHub Logo

KİM KÚSHTİ, EPTİ?

Taqyryby: «Kim kúshti, epti?».
Maqsaty: Salaýatty ómir saltyn ustanýǵa baýlý. Sportqa degen qyzyǵýshylyǵyn arttyrý.
Mindeti: Ár túrli sporttyq oıyn túrlerimen tanysý, tásilderin meńgerý;
Balalardyń ıkemdiligi men eptilikterin, mergendik pen shapshańdylyq qabiletterin damytý.
Túri: Estafetalyq oıyn.
Ótiletin orny: Sport alańy.
Kórnekiligi: túrli - tústi sharlar, doptar, kedergiler, jalaýshalar, konýstar, ysqyryq, ýaqyt ólsheýish.

Qurmetti tárbıeshiler men balalar, búgingi «Sport - ómir kórki» saıysyna qosh keldińizder! Kóńildi jarysqa 2 toptyń ıaǵnı, «Aqqý» jáne «Gúlder» tobynyń balalary qatysady. Jarysqa qatysýshylardy ortaǵa shaqyramyz.

Ustanǵan salaýatty ómir saltyn,
Jasqanyp, eshqashan da moıymaıtyn,
Bolashaq sportshylar keldi ortaǵa
Qol soǵyp qarsy alaıyq, qane, halqym!

- Saıysty bastamas buryn, saıysymyzǵa ádil baǵa beretin ádil - qazylar alqasymen tanysaıyq. Ár kezeń saıyn ádil - qazylar óz baǵasyn beredi.
- Sporttyq saıysymyz 5 baldyq júıemen baǵalanady.

Salaýatty ómir saltyn saqtańyz,
Jattyǵýdan eshqashan da qashpańyz.
Bala baqsha balalary
Parasatty, aıbyndy,
Bolyńyz siz segiz qyrly, bir syrly.

Toppen tanysý
- «Aqqý» tobyn ortaǵa shaqyramyz
Toptyń urany: Sportpen dostas, jalqaýlyqpen qoshtas.

- «Gúlder» tobyn ortaǵa shaqyramyz
Toptyń urany: Bárimiz – birimiz úshin, birimiz – bárimiz úshin.

- Jaraısyńdar balalar, olaı bolsa jarysymyzdy bastamas buryn denemizdi qyzdyraıyq, senderdi ortaǵa dene qyzdyrý jattyǵýyna shaqyramyn.

- Qurmetti saıyskerler! Sizderge sát sapar! Saıysymyzdy bastaımyz.

İ. Kezeń. «Qos aıaqpen sekirý»
Sharty: Qos aıaqpen berilgen bes sheńber ishine sekirip, belgilengen konýsty aınalyp, keri qaraı tap solaı tapsyrmany oryndaý. Estafetany kelesi oıynshyǵa berý, oıyndy birinshi bolyp bitirgen top jeńimpaz bolyp eseptelinedi. Baǵalaý.

İİ. Kezeń. «Ireleńdep júrý»
Sharty: Syzylǵan syzyq boıymen ıreleńdep júrip baryp, belgilengen konýsty aınalyp, keri qaraı tik júgirip qaıtady. Estafetany kelesi oıynshyǵa berý, oıyndy birinshi bolyp bitirgen top jeńimpaz bolyp eseptelinedi. Baǵalaý.

İİİ. Kezeń. «Pıngvın men úırekter saıysy»
Sharty: balalar qoldaryna sý toltyrylǵan eki shelekti ustap, pıngvın men úırektiń izderimen júrip, pıngvın nemese úırektiń sýretiniń ústine qos aıaqpen sekirip, belgilengen konýsty aınalyp, keri qaraı tik júgirip qaıtady. Estafetany kelesi oıynshyǵa berý, oıyndy birinshi bolyp bitirgen jáne shelektegi sý mólsheri kóp bolǵan top jeńimpaz bolyp eseptelinedi. Baǵalaý.

İÚ. Kezeń. «Kim jyldam?»
Sharty: balalar ózderine berilgen geometrıalyq pishin, ıaǵnı tórtburysh pen sheńber ústimen júrip, belgilengen konýsty aınalyp, keri qaraı tik júgirip qaıtady. Estafetany kelesi oıynshyǵa berý, oıyndy birinshi bolyp bitirgen top jeńimpaz bolyp eseptelinedi. Baǵalaý.

Ú. Kezeń. «Jas sportshylar»
Sharty: balalar dopty jerge uryp júgirip, belgilengen konýsty aınalyp, keri qaraı dobty teýip tik júgirip qaıtady. Estafetany kelesi oıynshyǵa berý, oıyndy birinshi bolyp bitirgen top jeńimpaz bolyp eseptelinedi. Baǵalaý.

Kórsetti mine óz ónerin balalar,
Saıystyń da sońy kelip taıanar.
Jeńimpazdy anyqtaıyq qanekeı,
Ádil - qazy saıysty ádil baǵalar,- dep, saıysymyzdyń sharttary boıynsha qorytyndy shyǵaryp jeńimpazdardy anyqtap, marapattaý úshin sóz ádil - qazy alqalaryna beriledi.

Sport – kórki ómirdiń,
Sport - dosyń, serigiń.
Jattyqsań shymyr bolarsyń,
Shynyǵyp, ósip, tolarsyń, - demekshi salaýatty ómir saltyn ustanyp, sportty serik eteıik dostar!

Almaty qalasy, «№60 bala baqshasy»
Maıbasova Janar Ispanıarqyzy

Tolyq nusqasyn júkteý