InfoHub Logo

Kitap – bilim bulaǵy
Sabaqtyń maqsaty: 1. Kitaptyń adam ómirindegi orny týraly túsinik berý;
2. Kitapqa degen oqýshylardyń qyzyǵýshylyqtaryn arttyrý, sóıleý mánerin damytý;
3. Oqýshylardy kitapty súıýge baýlý, kitapty kútip ustaý erejelerin bilýge tárbıeleý.
Sabaqtyń túri: saıahat sabaǵy
Sabaqtyń ádisi: túsindirý, suraq – jaýap, áńgimeleý,
Sabaqtyń kórnekiligi: balalar ádebıetinen kitap kórmesi, ertegiler álemine saıahat

Sabaqtyń barysy:
İ. Uıymdastyrý kezeńi.
İİ. Jańa sabaq.
Oqýshylardy sabaq túrimen jáne maqsatymen tanystyrý.
Muǵalim: Sálemetsińder me, balalar! Búgin bizderde ertegiler álemine saıahat jasaý sabaǵy ótedi. Búgin bizder úshin aıryqsha kún. Búgin sender, ıaǵnı, mektep kitaphanasyna jazylmaǵan balalar, oqyrman bolyp qabyldanasyńdar. Mektep kitaphanasyna qonaqqa qosh keldińizder!
Kitaphana sóziniń maǵynasy neni bildiredi? Ol arab tilinen engen sóz, jazý qoımasy degen maǵynany bildiredi.

Bilesiń be kitap bilim uıasyn,
Kelesiń munda, ómirge azyq jıasyń.
Oqyp bilip, zerttep kórip sanańa
Tereń bilim, oı marjanyn quıasyń.
Deıdi oıshyldar «Kitap – bilim bulaǵy»,
Kitaphana - sol kitaptar turaǵy.
Kóp úırenip, kóp oqyǵan balanyń
Anyq taǵy bilimpaz bop shyǵary.
Kitaptar kitaphanada tek qana saqtalmaıdy, olar munda ómir súredi jáne ózderiniń oqyrmandaryna qonaqqa barady.
Sondyqtan olardyń ishi pyspasyn deseńder oqýǵa alǵan kitapty merzimdi ýaqytynda qaıtarý kerek. Óıtkeni olardy basqa balalar da tosady.
Kitap – ol eń jaqyn dos, eger sen ony shynymen jaqsy kórseń.

Karıma:
Qýan kitap, qýanatyn kún búgin,
Serpip tasta muńdy júrek túńdigin.
Kel, oqyrman, toıyn toıla kitaptyń,
Shattanatyn merekeli kún búgin.
O, kitap, bas ıemin mártebeńe,
Igilik qazynasyń bar adamǵa.
Sen berer ıgiliktiń esebi joq,
Jetkizip jolyn taýyp aıta alam ba?

Ámirjan:
Adamnyń dosy kitap - ómir kilti,
Teń emes oǵan jıǵan múlkiń,
Aqylshy janǵa serik,
Aqyl – oı qazynasy, ómir kórki.
Al sender kitappen dos bolǵylaryń kele me?
Ony qazir baıqap kóremiz. Búgin biz sendermen ár túrli túrleri arqyly Kitap keıipkerlerin tabamyz, kitapty kútip ustaý erejesimen tanysamyz.(tómendegi sýrettermen tanystyrý)
- Sender kelgenshe bizde qonaqtar boldy. Qane, olar kimder eken?
Kebis kimdiki? (hanshaıymdiki)
Sebettegi samsa (qyzyl telpek)
Jyrtyq shapan (Aldar kóse)
Kilt (býratıno)
Hat (Hat tasýshy ataı)
Jaraısyńdar, biraq, balalar, biz kóp qonaq shaqyrǵanbyz, olar nege kelmeı jatyr eken? (esik qaǵylady) Ol kim eken?
Hat tasýshy ataı: Bul men, hat tasýshy ataımyn, sizge jedel hat ákeldim.
Muǵalim: Olaı bolsa, oqıyq, kimnen eken?
Qane, balalar, sender maǵan kómektesip jiberińder?
1. Merekege kele almaımyn, meniń tanys ataıym joǵalyp ketti, men ony tabýym kerek. (Andersen ertegisindegi Gerda)
2. Merekege sondaı barǵym keldi, biraq Afrıkadaǵy janýarlar aýyryp qaldy, solarǵa baramyn. (Aıbolıt)
3. Kelgim aq keledi, biraq pesh tartpaı qaldy. (Jalqaý Emelá)
Olardyń kele almaǵany ókinishti. Al, endi ertegilerdi sheshýge qalaı qaraısyńdar?
1. Orman janynda
Úsheýi bir úıde turady.
Úsh tósek, úsh jastyq,
Qane, olar kimder? (úsh aıý)
2. Ushyp kelip batpaqqa tústi
Batpaqta ony ustap aldy.
Kim jasyl qabyrshaqty sheship,
Bir sátte sulý hanshaıymǵa aınaldy? (patshaıym baqa)
3. Qaımaqqa ılengen,
Terezede sýytylǵan,
Sap - sary domalanǵan. (baýyrsaq)
4. Jerden aspanǵa ushý úshin
Oǵan úlken sypyrtqy kerek. (mystan kempir)
- Jaraısyńdar! Ertegi keıipkerlerin sender jaqsy biledi ekensińder. Myna óleń joldary qaı ertegiden eken?
Jol alys,
Al sebet aýyr,
Otyramyn túbirge samsany jep. (Masha men aıý)
Shal kempirge oraldy:
Kempirde jańa astaý. (balyqshy men altyn balyq)
Tartamyn, tartamyn,
Tipti de jula almaımyn. (qyzylsha)

Aıaýlym:
Endi ózderiń kitap oqý úshin keldińder.
Kitapty ne úshin oqıdy?
Kitaphana – kitaptardyń ordasy,
Bilseń kitap – naǵyz jolbasshy.
Al, bilimiń – kitap naǵyz,
Qanyp ishseń sýsynyńdy qandyrady.
Kitap – ustaz,
Kitap – úıretýshi.
Kitap – naǵyz dos, joldas,
Aqyly bulaq kózindeı esh azaımas.
Balalar, senderdiń qoldarynda kitaphananyń qandaı kitaptary bar? Eske túsireıikshi. (oqýlyqtar)
1 - kitap, Aıaýlym: Qalyń qalaı, kitabym?
2 - kitap, Nurqanat:
Oı, men synyptyń aldynda uıattymyn, Meniń qojaıynym syrtqy qabymdy julyp aldy! Onymen qoımaı betterimdi de julyp aldy. Odan qaıyq, ushaq jasady. Al, sen bútinsiń be?
1 - kitap, Aıaýlym:
Seniń haliń maǵan tanys. Meniń oqýshym qol jýmaı sabaqqa otyrǵan emes, betterimde de bir syzyq joq tap - taza. Men ony qalaı bolsa solaı emes, tek beske oqýǵa úıretemin.
2 - kitap, Nurqanat: Al meniń oqýshym úshke áreń iligedi, tipti ekilik te alady. Oı, men synyp aldynda uıattymyn.
- Balalar, qaı oqýlyqty qoldaryńa alyp oqyǵylaryń keledi?
Janserik:
Kitap ta alma aǵashy
Jemisin bizge beretin.
Tátti almaǵa balashy
Kitabyńnyń ár betin.
Senderden keıin osy oqýlyqtardy basqalary paıdalana alýy úshin sender kitap neni jaqsy kóretinin bilýleriń kerek.

Oıyn «Iá - joq». Eger kelisseńder ıá, kelispeseńder joq deısińder.
Kitap neni súıedi?
Kitap baýy «ıá»,
Qar ne jańbyr «joq»,
Kir qoldy «joq»,
Uqyptap ustaýdy «ıá»,
Erkeletkendi «ıá»,
Qýyrǵan jumyrtqany «joq»,
Edende jatqandy «joq»,
Taza qoldy «ıá»,
Tóbeleskendi «joq»,
Kitap sóresinde turýdy «ıá»,
Bilgish oqýshylardy «ıá».

Kitaphananyń turaqty oqyrmandary bizdi kitapty paıdalaný erejesimen tanystyryp ótsek:
1. Kitapty tek taza qolmen alýǵa bolady.
2. Betterin qatty basýǵa bolmaıdy, odan kitap paraǵy túsip qalady.
3. Kitaptyń arasyna dápter, qalam salýǵa bolmaıdy, odan muqaba búlinedi.
4. Kitapty búkteme, kitap baýlyǵyn paıdalan.
5. Tamaq ishkende kitap oqymaý kerek.
6. Kitap betine qalam ne qaryndashpen syzýǵa bolmaıdy.
Al, oqýshylar sender kitaptarmen dos bolǵylaryń kele me?