InfoHub Logo

Qyzylorda oblysy, Qazaly aýdany,
Qazaly aýyly, №100 orta mektebi
Avtory: Saýlebaeva Lázzat Shakıqyzy

Sabaqtyń taqyryby: Kitap – sarqylmas rýhanı qazyna.
Sabaqtyń maqsaty:
a) Kitap – sarqylmas rýhanı qazyna,- deı kele, bilimniń kitap arqyly beriletinin uǵyndyrý.
á) Oqýshylarǵa kitaptyń adam ómirindegi mańyzy, ǵylym men bilimniń paıdasy jaıly túsindirý.
b) Oqýshylardyń kitapqa degen qyzyǵýshylyǵyn arttyrý, oqýlyqty qurmetteýge, kútip ustaýǵa úıretý.
Sabaqtyń qural - jabdyqtary: Slaıdtar, kitaptar.

Sabaqtyń barysy:
1. Uıymdastyrý.
2. Kirispe.
3. Ádebı - montaj.
4. Monolog.
5. «Kitap qalaı jasalady?» Kórinis.
6. Kitap – rýhanı qazynamyz.(Kitaphanashy sóz sóıleıdi)
7. «Kitaptar muńy» kórinis.
8. Kitap ustaý erejesi.
9. «Oqýshy men kitap» kórinis.
10. «Kitap emhanasy» kórinis.
11. Qojanasyr qorjyny(Tapsyrmalar oryndaý)
12. Qorytyndy.

2. Kirispe.
Muǵalim sózi:
Búgin meıram, bizge úlken mereke,
Toılaıyqshy kitabyńdy jyr ete.
Ári aqylshyń – rýhanı qazynań,
Qundy baılyq baǵa jetpes bul óte - dep aqyn jyrlaǵandaı ádebı kitaptar men oqýlyqtar senderge bilim kózi, rýhanı qazyna. Kitap – bizdiń rýhanı qundylyǵymyz, teńdessiz baılyǵymyz, ótken zamandardyń tuńǵıyq tereńinen syr shertetin tarıhty da, ádebıetti de, basqa ǵylym keremetteri de, talaı oqıǵalardyń kýási, talaı jańalyqtardyń kózi – osy kitaptar. Rýhanı bilimniń, mádenıettiń aýadaı qajettiligi, mańyzdylyǵy eshqashan mánin joıǵan emes.

Adam balasy sol baılyqtyń kózin «Kitap» degen qudiretten tapty. Ǵylym men tehnıka, joǵary tehnologıa damyǵan XXI ǵasyrda da báriniń bastaý alar qaınar kózi – kitap. Endeshe kitap bizdiń rýhanı qazynamyz deı kele kezekti ádebı - montajǵa beremiz.

1. Aıman: Adamnyń dosy – kitap, ómir kilti,
Teń kelmes oǵan jıǵan dúnıe múlki.
Aqylshy, janǵa serik jol bastaýshy,
Asyl oı, qazynasy, ómir kórki.

2. Aıdos: Turady basyn qurap árip neden,
Bastalǵan bilim basy álippeden.
Qarasań shalqar teńiz, túpsiz muhıt,
Oqysań kitap syryn alyp neden.

3. Sánim: Kitapty oqymaıdy syılamaǵan,
Bilimge janyn janyp qınamaǵan.
Ósirgen kimniń bolsyn oı - órisin,
Sol kitap bek aqylshy kúnde maǵan.

4. Ońtalap: Túlekti tárbıeler kitap – mektep,
Ósedi sol kitaptan bulaq kóktep.
Molaıtyp aqylyńdy san eselep,
Beredi bilim nárin kitap kóktep.

5. Jaınagúl: Kitaptar - beıne japyraq,
Jyrlaıtyn syryn ómirdiń.
Oqısyń keıde jattap ap,
Kóterip kúıin kóńildiń.

6. Aıan: Aıdyń shalqar keıde bir,
Kitapty tunǵan kól dersiń.
Aýadaı qajet beıne bir,
Tatpasań nárin shóldersiń.

7. Nurjan: Ketpeıdi eshbir jadymnan,
Mektepke bardyq kúz aıy.
Tastamaı seni jadymnan,
Qoltyqtap júrdim udaıy.

8. Damır: Dostarǵa toly mańaıym,
Tatýlyq tátti bárinen.
Erekshe seni sanaımyn,
Qushaqtap júrdim áli men.

9. Albına: Elimizde ataqty,
Ǵalym ata ne tapty?
Bárin, bárin bilesiń?
Oqı berseń kitapty.

10. Amantaı: Bóbekterim oqy, oına,
Oqý - bilim saǵan paıda.
Kitabyńnyń shetin jyrtyp,
Sıamenen boıap qoıma.

Muǵalim: Oqy talmaı, túı sanańa,
Syr quıamyn, nur quıamyn boıyńa.
Taza ustap, oqy meni qasterlep,
Bar bilimdi men egemin sanańa - dep kelesi kezekte «Kitap» monolog oqıtyn Nazerke.

Muǵalim: Aıdyn shalqar keıde bir,
Kitapty tunǵan kól deısiń.
Aýadaı qajet beıne bul,
Tappasań nárin shóldersiń - dep kelesi kezekte
«Kitap qalaı jasalady?» kórinis. Oryndaıtyndar: Islam, Dınara, Perızat, Nazerke, Ǵarıfýlla.

Muǵalim: Kitaptardy taza etip saqtaǵan,
Oqyrmanǵa bar bilgenin aqtarǵan.
Aıanbaıdy árqashanda el úshin,
Kitaphanashy el úmitin aqtaǵan.
«Kitap – rýhanı qazynamyz», - dep jatamyz. Sol qazynamyzdy qorǵap, qasterlep, qazirgi balalar ádebıeti týraly bıblıografıalyq sholý jasaý úshin mektebimizdiń kitaphanashysy Altynaı apaıǵa sóz beremiz.(Kitaphanashy sóz sóıleıdi)

Muǵalim: Qyrkúıek aıynda óziniń ádemi sýretterimen, nebir tógilgen asyl sózderimen, qıyn da qyzyqty esepterimen kúlimdep ketken oqýlyqtarymyz mamyrdyń aıaǵynda renishpen, muńdy bolyp kitaphanaǵa qaıtatyn oqýlyqtarymyz da bar. Endi sol oqýlyqtardan kórinister kóreıik.
Kórinis: «Kitaptar muńy» Oryndaıtyndar: Ǵarıfýlla - avtor, Islam - ana tili oqýlyǵy, Aıdos - qazaq tili oqýlyǵy, Nurjan - matematıka kitaby, Ońtalap - dúnıetaný kitaby.

Muǵalim: Mine, balalar, aramyzda kitapty uqypty, taza ustaıtyn jáne kitapqa uqypsyz qaraıtyn balalar da kezdesedi
Kitap ustaý erejesi: (Slaıd arqyly túsindiriledi)
Muǵalim: Kitap jınap, túpteımin, jyrtylmasyn,
Muqabasyn búkpeımin, qyrqylmasyn.
Taza bolsyn betteri, kirlemesin,
Kórgen kisi kitabyń kir demesin - dep
«Kitap emhanasy» kórinisin tamashalańyzdar.
Avtor - Jaınagúl, Muǵalim - Nazerke, Dáriger - Perızat,
Kitaphanashy - Sánim.

«Qojanasyrdyń qorjyny»(Qorjyndaǵy suraqtarǵa jaýap berý)
Qorytyndy:
Muǵalim: Kitaphana - kitaptardyń ordasy,
Bilseń kitap - naǵyz jol basshy.
Bizdiń ǵasyr bilimdiler ǵasyry,
Dep aıtqandy Nusultandaı Elbasy.

Elbasy Nursultan Ábishuly Nazarbaev óziniń kezekti joldaýynda «Qazaqstan áleminiń básekege barynsha qabiletti 50 eldiń qatarynan laıyqty oryn alý úshin óziniń mádenıeti men ǵylymyn, bilimi men biligin, rýhanı baılyǵymen elimizdi aıdaı álemge pash ete bilý kerek»,- degen edi. Olaı bolsa, qurmetti qonaqtar, Ustazdarmen birge otyryp balalaryńyzdyń kitap oqýǵa yntasyn arttyrý maqsatynda jumys isteıik. Kitappen dos bolaıyq, kitaphana oqyrmandary kóbeıe bersin!