InfoHub Logo

Astana soty Telegram-daǵy «QirSabyn» arnasynyń ákimshilerin bopsamen aınalysqany úshin kináli dep tanyp, bas bostandyǵynan aıyrdy. Bul týraly sottyń baspasóz qyzmeti habarlady.

Bul týraly Infohub.kz aqparat agenttigi habarlaıdy.

Sot úkimi

Sot úkimimen R.Á. esimdi azamat QR Qylmystyq kodeksiniń 194-baby, 3-bóligi, 2-tarmaǵy boıynsha (aldyn ala sóz baılasqan adamdar tobymen, asa iri mólsherde jasalǵan bopsalaý) kináli dep tanylyp, múlki tárkilenip, alty jyl alty aı merzimge bas bostandyǵynan aıyryldy. R.T. esimdi azamat ta osy bap boıynsha kináli dep tanylyp, alty jylǵa bas bostandyǵynan aıyryldy.

İstiń mán-jaıy

Bul is jabyq rejımde qaraldy. Sottyń habarlaýynsha, úkim áli zańdy kúshine enbegen jáne apelásıalyq satyda qaralýda.

Buǵan deıin, 2024 jyldyń 20 jeltoqsanynda Bas prokýratýra «QirSabyn» Telegram arnasy arqyly jalǵan aqparat taratamyz dep qorqytyp, aqsha bopsalaǵan toptyń ustalǵany týraly habarlaǵan bolatyn.