InfoHub Logo

Taqpaqtar: Kókónister
Asqanadan shyqpaımyn,
Atym – pıaz buqpaımyn.
Kózden jasty shyǵaryp,
Tumaýdan biraq saqtaımyn.

Ósiretin boıyńdy,
Damytatyn oıyńdy,
Qoıanǵa da azyqpyz –
Sábizderimiz jazyqsyz.

Aq túsim bar qant alar,
Qyzyl túsim qanǵa – nár.
Zıanym joq, bilip qoı –
Qyzylshamyn, paıdam bar.

Tal shybyǵym buralyp,
Baqshalarda qyzaryp,
Turǵan ol men – qyzanaq,
Kúnge qarap uıalyp.

Kóktep erte shyrmalyp,
Ósemin men búr jaryp.
Atym – qıar, terip al,
Jıi - jıi sýǵaryp.

Baqshalarda tizilip,
Qapersiz men jatamyn.
Qabat - qabat kıinip,
Qyryqqabat atandym.

Kartop – bizdiń atymyz,
Jer astynda jatyrmyz.
Bir tamyrdan taraǵan –
Aǵaıynbyz bárimiz.

Iisim jupar ańqyǵan,
Baqshadaǵy shyrynmyn.
Jep kórgender tamsanǵan –
Baldaı tátti qaýynmyn.

Kórseń eger baqshada
Dop eken dep qalma.
Shól qandyrar qarbyzbyn,
Erte úzip alma!