InfoHub Logo

Bastaýysh synyp muǵalimi Chalbasova Janar Myrzataıqyzy

Ádebıettik oqý
Sabaqtyń taqyryby: Kóktem keldi. M. Álimbaev
Sabaqtyń maqsaty:
Bilimdilik:«Kóktem keldi»óleńiniń mazmuny men maǵynasyna túsinik berý, óleńniń shýmaqtaryn mánerlep, túsinip oqı bilýge jattyqtyrý, kórkem tilde mazmundaı bilýge úıretý.
Damytýshylyq: Oqýshylardyń este saqtaý, taldaý, salystyrý, óz betterimen oılaý daǵdylaryn damytý, júıeli mánerlep sóıleı bilýge daǵdylandyrý.
Tárbıelik: Jaýapkershilikke, birin - biri syılaýǵa, tabıǵatty súıip, aıalaı bilýge tárbıeleý.
Sabaqtyń tıpi: Jańa bilim berý
Sabaqtyń túri: Aralas sabaq
Sabaqtyń ádisi: Curaq - jaýap, túsindirý, oı qozǵaý, tirek syzba
Sabaqtyń kórnekiligi: Slaıdtar, aqyndardyń portreti, tirek syzba, sózjumbaq
Pánaralyq baılanys: Dúnıetaný, beıneleý óneri, qazaq tili
Kútiletin boljam: Jańa sabaqty meńgeredi, M. Álimbaevtyń ómirbaıanymen tanysady.

Sabaqtyń barysy:

İ. Uıymdastyrý kezeńi:
Oqımyz, úırenemiz, jalyqpaımyz,
Bilimniń shyńyna biz sharyqtaımyz.
Synypty úsh topqa bólý:
1) « Jaýqazyn»
2) «Báısheshek»
3) «Qyzǵaldaq»

Ár top óz attaryn 1 shýmaq óleńmen qorǵaıdy.
1 - top. Jaýqazyn.
Jasyl dóńge, kók belge,
Jańbyr tógip ótkende,
Jaýqazyndar búr jaryp
Qulpyrady kóktemde.

2 - top. Báısheshek.
Báısheshekten bilemiz,
Kóktem kelip qalǵanyn.
Máz bolamyz, kúlemiz,
Kórsek gúlin jarǵanyn.

3 - top. Qyzǵaldaq.
Aq jańbyrǵa shomylyp,
Týǵan jerdiń alaby,
Qyzǵaldaqqa kómilip,
Kózdiń jaýyn alady.

İİ. Úı tapsyrmasyn tekserý:
Ár toptan 1 oqýshyǵa Ánýarbek Dúısenbıevtiń «Ataı» óleńin mánerlep oqytý, jatqa suraý, suraq qoıý arqyly bilimderin baǵalaý.
– Óleńniń mazmuny kim jaıynda?
– Óleńdegi negizgi oı ne?
– Óleńde jyldyń qaı mezgili jaıly aıtylady?
- Sýret boıynsha kóktemgi eńbek túrlerin ata.

İİİ. Jańa sabaq:
Sózjumbaq sheshý.
- Myna sýretterdiń birinshi árpin alyp sóz qurasańdar, búgin tanysatyn óleńniń aty shyǵady.
K - kóbelek K - kókek
Ó - órmekshi E - elik
K - kógershin L - laq
T - túlki D - dýadaq
E - eshki İ - in
M - mysyq
Sózjumbaqtyń sheshýi: Kóktem keldi

Sergitý sáti: Aspanǵa qarap aı kórdik, tómenge qarap jer kórdik
Ońǵa, solǵa burylyp, egemendi el kórdik.
Bir, eki, úsh, boıǵa jınap kúsh!
Aıtqan tildi alamyz, biz baqytty balamyz!
- Búgin Múbarak Jamanbalınov pen Muzafar Álimbaevtyń «Kóktem keldi» óleńderimen tanysamyz.

a/ Avtormen tanystyrý:
Múbárak Jamanbalınov - 1924 jyly Pavlodar oblysynyń Jelezınka aýdanyndaǵy Táttimbet degen aýylda týǵan balalar aqyny.

á/ Óleńdi ár topqa mánerlep oqytý.
İ top.- Óleńdi jazǵan kim?
İİ top. – Óleń jyldyń qaı mezgili jaıly?
İİİ top. – Óleńniń mazmunyna saı qandaı at qoıýǵa bolady?

b/ Óleńge saı qımyl qozǵalys jasaý.
- Kelesi tanysatyn óleńimiz Muzafar Álimbaevtyń «Kóktem keldi» óleńi.

a/Avtormen tanystyrý:
Muzafar Álimbaev - 1923jyly 29 qazanda Pavlodar oblysynyń Sharbaqty aýdanyndaǵy Maraldy aýylynda týǵan jazýshy, aqyn. 300 óleńine án jazylǵan. Óleńderi 38 tilge aýdarylǵan.
á/ Óleńdi mánerlep oqý.
b/ Ár shýmaqty jeke - jeke oqytyp, aıtylyp turǵan oıdy taptyrý.
v/ Óleńdi ár topqa daýystap oqytý.
g/ Óleń sońyndaǵy tapsyrmalardy oryndaý:

1 - tapsyrma. Kóktem belgileri:
İ top. Kún jylýynan kóldiń muzy, jerdegi appaq qar erıdi.
İİ top. Aspanda kún kúrkirep, naızaǵaı oınaıdy, jańbyr jaýady.
İİİ top. Aǵashtar búrshik jarady, qustar keledi. Jerdiń beti kilem tósegendeı qulpyrady.
2 - tapsyrma. Eki óleńdi salystyrý.

Shyǵarmashylyq tapsyrma:
İ top. Slaıd boıynsha « Kóktem keldi» taqyrybyna esse jazý.
İİ top. 5 joldy óleń qurastyrý.
İİİ top. Kóktem taqyrybyna sýret salý.

İÚ. Sabaqty qorytý:
İ top. M. Álimbaevtyń 1 óleńin jatqa aıtý.
İİ top. Abaı atamyzdyń «Jazǵytury» óleńin jatqa aıtý.
İİİ top. Qazaqtyń Jańa jyly qashan toılanady? Naýryz kóje qalaı jasalady?

Ú. Úıge tapsyrma:
M. Jamanbalınov pen M. Álimbaevtyń óleńderin mánerlep oqý, jatqa aıtý.
Baǵalaý.