InfoHub Logo

Mańǵystaý oblysy, Jańaózen qalasy,
№1 orta mekteptiń bastaýysh synyp muǵalimi
Joldygýlova Alma

Sabaqtyń taqyryby: Kóktemde.
Sabaqtyń maqsaty: Bilimdilik: Oqýshylardy óleńmen tanystyrý, negizgi oıyn ashý, mánerlep oqý daǵdysyn qalyptastyrý.
Damytýshylyq: Tanymdylyq qabiletin, sózdik qoryn, til baılyǵyn damytý.
Tárbıeligi: ekologıalyq tárbıe bere otyryp, tabıǵatty qorǵaýǵa, aıalaı bilýge tárbıeleý.
Sabaqtyń kórnekiligi: grafoproektor, sýretter, syzbalar, rebýstar, sýretterdi japsyrmalaý, maqal - mátelder.
Sabaqtyń túri: jańa sabaqty túsindirý, tehnologıany engizý.
Sabaqtyń ádisi: suraq - jaýap, kórnekilik, túsindirý, japsyrmalaý.
Sabaqtyń taqyryby: Kóktemde.

Sabaqtyń barysy: I. Uıymdastyrý.

II. Psıhologıalyq daıyndyq: Bir, eki, úsh
Synyp ishi typ - tynysh,
Jalqaýlyqty tastaıyq
Sabaqty biz bastaıyq.

III. Úı jumysyn tekserý. Oqý ádisi: 1. yzyńdap oqý ádisi
2. ishteı oqý ádisi
Jospar boıynsha tórt bólimdi 4 oqýshydan suraý.

Jospar:
1. Aǵash otyrǵyzý aptalyǵy.
2. Almabektiń aǵashtarynyń múshkil háli.
3. Aýa - raıynyń kúrt ózgerýi.
4. Aǵashtar nege ashýlanady?

IV. Úıge jattaýǵa berilgen maqal máteldi «Uıqasyn tap» oıyny arqyly bilimderin tıanaqtaý.
1. Qatar «Eńbek» týraly
2. Qatar «Erinshek» týraly
3. Qatar «Tabıǵat» týraly

1. Eńbek etseń erinbeı,
Toıady qarnyń tilenbeı.
2. Eńbek ermekke jetkizedi,
Erlik eldikke jetkizedi.
3. Eńbek etpeseń elge ókpeleme,
Egin ekpeseń jerge ókpeleme.
4. Eńbek shıratady,
Ómir úıretedi.
5. Erinshektiń, erteńi bitpes.
6. Jamanǵa jan jýymas,
Jalqaýǵa mal jýymas.
7. Kóldiń kórki - quraq,
Taýdyń kórki - bulaq.
8. Adamzattyń tabıǵatsyz kúni joq,
Muny aıtýǵa tabıǵattyń tili joq.
9. Tabıǵatym, tal besigim.

V. Jańa sabaq.
1. Qyzyǵýshylyǵyn oıatý (beınesóz sheshý) Kókoraı «terek», «tal», «derek».
«Kóktemde»
- Olaı bolsa, oqýshylar búgingi jańa sabaǵymyz İlıas Jansúgirovtiń «Kóktemde» degen óleńimen tanysamyz.
- «Kóktemde» sózin aıtqanda oıymyzǵa qandaı nárseler túsip, kózimizge ne elesteıdi?

VI. Toptastyrý ádisi (strategıa)
- Oıymyzdy toptastyraıyqshy.
Kóktem
↓
Ashyq aspan
Aǵashtar búrshik jarady
báısheshek atady
Naýryz toıy bolady
Mal tóldeıdi
Qustar ushyp keledi
Ózen tasıdy
Seń júredi

VII. – Balalar, kóktem jóninde taǵy qandaı derekter bilemiz?
Derekter degen sóz, aqparat berý, ıaǵnı túsinik berý.
1. Topyraq jylynsa, báısheshek jaýqazyndar jaıqalyp shyǵa keledi.
2. Eń alǵash ushyp keletin qus – «uzaq».

Kóktem shyqqan kezde, alǵashqy tasbaqany kórip aýzyndaǵy shóbin alǵan adam baqytty bolady.
VIII. Avtor týraly málimet.
- İlıas Jansúgirov kim?

IX. Sergitý sáti: Terbeledi aǵashtar,
Aldymnan jel esedi.
Kip-kishkentaı aǵashtar,
Bip-bıik bop ósedi.

X. Oqýlyqpen jumys: kóktem óleńin mánerlep oqyp berip, 2 - 3 balaǵa oqytý.

XI. Jańa sabaqty pysyqtaý, suraq – jaýap alý.
1. Aqyn kóktemniń kelgenin, jan – janýarlar ómirinde bolǵan ózgeristerin qalaı baıqadyń?
2. Óleń mazmunyn japsyrmalaý arqyly jetkizý.

XII. Sózdik jumysy.
Qumaıt – qumdy jer.

Shymaıt – shymdy jer (tyǵyz shópti, qunarly jer).

XIII. Shyǵarmashylyq tapsyrma (kóktem jóninde oıdan bes jol óleń shyǵarý).
XIV. Sabaqty qorytyndylaý.
Baıqaısyz ba, jasarǵandaı kári jar,
Jasyl shapan jamylypty sary bel,
Bar tamyrǵa qan jiberip jatqandaı,
Kóktem sulý ǵajaıyp bir dáriger.
- Búgingi sabaqta kimniń shyǵarmalarymen tanystyq?
- Avtordyń negizgi oıy qandaı? (tabıǵattyń sulýlyǵyn ózgeristerin jetkizý)

XV. Úı jumysy.
XVI. Baǵalaý, madaqtaý.