InfoHub Logo

Qazaqstandyqtar 2025 jylǵa arnalǵan kólik salyǵyn 1 sáýirge deıin tóleýi tıis bolǵan. Bul merzim ótip ketse, 2 sáýirden bastap bereshek somasyna ósimpul esepteledi. Iaǵnı, árbir ótken kún saıyn tólenetin soma arta beredi. Onyń ústine, uzaq ýaqyt boıy salyq tólenbese, shetelge shyǵýǵa shekteý qoıý nemese bereshekti májbúrlep óndirip alý sıaqty qosymsha sharalar qoldanylýy múmkin.

Bul týraly Infohub.kz aqparat agenttigi habarlaıdy.

Ýaqytyly tólemegen jaǵdaıda ne bolady?

Ósimpul 2 sáýirden bastap esepteledi jáne árbir kún saıyn artady. Eger salyq tólenbese, kólik ıesine habarlama jiberiledi. Odan keıin bereshekti óteýge 30 jumys kúni beriledi.

Bul merzimde de qaryz ótelmese, salyq buıryǵy shyǵarylady. Taǵy 5 jumys kúninen keıin bereshekti májbúrlep óndirip alýǵa kóshýi múmkin.

Bereshek somasyn esepteý úshin Ulttyq Banktiń bazalyq mólsherlemesi 1,25 koefısıentine kóbeıtiledi. Bul jyldyq ósimpul mólsherin anyqtaıdy. Odan keıin bul soma 365 kúnge bólinip, bereshek somasy men ótip ketken kúnder sanyna kóbeıtiledi.

Mysal:

16,5% mólsherlememen 100 000 teńge bereshek úshin 10 kún keshiktirseńiz, ósimpul shamamen 565 teńge bolady.

Ósimpul kún saıyn artady. Tipti shaǵyn bereshek te ýaqyt óte kele eleýli mólsherge jetýi yqtımal.

Bereshek bolǵan jaǵdaıda mynadaı jaǵdaılar oryn alýy múmkin:

Qaıdan tekserip, qalaı tóleýge bolady?

Salyqty tekserý jáne tóleý úshin kelesi múmkindikterdi paıdalanýǵa bolady: