tengrinews.kz
Kolektorlardan 16 mıllıon qazaqstandyqtyń derekter bazasy tabyldy
Jetisý oblysynda kolektorlyq agenttiktiń qyzmeti toqtatyldy. Tergeý málimetteri boıynsha, olar mıllıondaǵan qazaqstandyqtyń jeke derekterin qamtıtyn bazany zańsyz paıdalanǵan. Kúdiktilerdiń qolynda el azamattarynyń 16 mıllıonǵa jýyq deregi bar aqparattyq júıe bolǵan.
Bul týraly Infohub.kz aqparat agenttigi habarlaıdy.
Polısıanyń habarlaýynsha, bul zańsyz áreketti Jetisý oblystyq polısıa departamentiniń qyzmetkerleri prokýratýra jáne UQK departamentimen birlesip anyqtaǵan.
Tarazda kolektorlyq agenttik qyzmetkerleri azamattardyń jeke derekterin qamtıtyn arnaıy aqparattyq júıeni zańsyz qoldanǵan. Bul baza boıynsha aty-jóni, JSN jáne uıaly telefon nómiri arqyly izdeý júrgizýge múmkindik bergen.
Ustalǵandar jáne tárkilengen zattar
Jedel-izdestirý sharalary barysynda bul derekter bazasyn uıymdastyrýǵa jáne paıdalanýǵa qatysy bar dep kúdiktelgen úsh adam ustaldy. Olardyń turǵylyqty jáne jumys oryndarynda tintý júrgizilip, kompúterlik tehnıka men uıaly qurylǵylar tárkilendi. Bul qurylǵylar jeke derekterdi saqtaý jáne óńdeý úshin paıdalanylýy múmkin.
Atalǵan fakti boıynsha sotqa deıingi tergeý bastaldy. Quqyq qorǵaý organdary oqıǵanyń mán-jaıyn, sondaı-aq qupıa aqparattyń qaıdan alynǵanyn jáne qalaı taratylǵanyn anyqtap jatyr.
Polısıa azamattardyń jeke derekterin zańsyz jınaý, saqtaý, taratý jáne paıdalaný Qazaqstan zańnamasynda belgilengen jaýapkershilikke ákep soǵatynyn eske saldy.
-
Vladımır Pýtın rasskazal o haraktere rossıısko-kazahstanskıh otnoshenıı, otmetıv slojnostperegovorov po mnogım voprosam.
-
Authorities in Kazakhstan have shut down a debt collection agency suspected of illegally accessing and using a database containing personal information of nearly 16 million citizens.
