InfoHub Logo

Sabaqtyń taqyryby: Kómektes septik
Sabaqtyń maqsaty: Kómektes septik týraly bilimderin tereńdetip, «Zat esimniń septelýi» taqyrybyn bekitý.
Sabaqtyń tıpi: bekitý
Sabaqtyń jabdyǵy: ınterbelsendi taqta, semantıkalyq karta
Sabaqtyń ádisteri: «Oı qozǵaý», «Klaster», «Semantıkalyq karta», «Balyq súıegi», «Nysana».
Pánaralyq baılanys: dúnıetaný, ádebıettik oqý

Sabaqtyń barysy:
İ. Bilý.
«Oı qozǵaý» ádisi arqyly qyzyǵýshylyqtaryn oıatý.
Jumbaq sheshý.
Úlken - úlken túıeni
Tastapty atam shógerip.
Órkeshi bultqa tıedi,
Baýyry jatyr kógerip. (Taý)
Sabaǵymyzdy taýlar týraly áńgimeden bastaımyz.
- Qazaqstan jerindegi qandaı taýlardy bilesińder?
-«Klaster» syzbasy arqyly elimizdegi taýlardy kórsetińder.
- Elimizdiń, týǵan jerimizdiń jer bederin bilýge tıissińder.

İİ. Túsiný.
- 347 - jattyǵýdaǵy taý týraly mátindi oqyp, oǵan at qoıaıyq.
- Alataý kórinisine nazar aýdaryp, Alataý jaıly ne aıta alasyńdar?
Interaktıvti taqtadan taýdyń ártúrli kórinisin kósetý.
- Osy mátinnen kómektes septiktegi sózdi tabyńdar. Dálelde.
Erejeni eske túsirý.

İİİ. Qoldaný.
- Endi taqtadaǵy sýretterge qarap, attaryn atańdar.
- Kómektes septigine qoıyp, sóılem qurastyryńdar.
Birneshe oqýshyǵa sóılemderin oqytý, kómektes septigindegi sózdi aıtqyzý.

İV. Taldaý.
«Semantıkalyq kartamen» jumys
- Ár baǵannan kómektes septikke qatysty belgilerdi taýyp dáleldeńder.

Sergitý sáti.
V. Jınaqtaý.
- Taqtadaǵy túrli - tústi boıaýmen jazylǵan óleńderdi kezekpen mánerlep oqımyz.
Qol dobynan júlde úshin talasar,
Úmitkerler arasynda Jaras bar.
Sharshy alańǵa shyqqanynda Jarastyń,
Sheberligin, batyldyǵyn jarattym.
Soqqan doby aldyrmastan ári assa,
Jankúıerler dán rıza Jarasqa.
Oıynmenen kózge túsken Jarasty,
Quramalar shaqyrysyp talasty.
Sheberliktiń barlyq syry Jarasta
Tanyp ony ardaqtady Alash ta.
Bapkerleri úmit kútip Jarastan,
Jaı - kúıine, jaǵdaıyna qarasqan.
Birge oqyp, birge oınaıtyn Jaraspen,
Jattyǵýǵa erinetin balalar da bar, átteń!..
«Balyq súıegi» syzbasy arqyly shýmaqtardaǵy qaıtalanyp kelgen sózdi taýyp, ústingi jaǵyna, al astyna olardyń septikterin jazyńdar.

VI. Baǵalaý.
- Kelesi tapsyrmany oryndaý úshin oqýlyqtaǵy sýretke nazar aýdaryńdar.
- Naýryz merekesi jaıly ne bilesińder?
- Naýryz merekesin mektepte qalaı toılaımyz?
- Merekeni úıde qalaı qarsy alasyńdar?
- Naýryz merekesi kelgende adamdar nege qýanady?
- Endi juppen jumys jasap, kómektes septigin qoldana otyryp, sýret boıynsha áńgime jazyńdar
2 - 3 áńgimeni oqýshylarǵa oqytý, tyńdaýshylarǵa baǵalatý.
- Qaı juptyń áńgimesi unady? Nelikten?
Keri baılanys.
«Nysana» keri baılanysy arqyly sabaqty baǵalaıdy.
- Kórsetkishterge baǵa qoıý úshin ár oqýshynyń nysanaǵa stıkermen atýǵa 4 múmkindigi bar (nysananyń ár bóligine 1 ret)

Kómektes septik. júkteý