Kóńilimniń syry - Muqaǵalı jyry
Kóńilimniń syry - Muqaǵalı jyry
Muqaǵalı atamnyń óleńderine degen meniń mahabbatym anamnyń yqpalymen týdy dep oılaımyn. Sebebi, esimdi bilgeli anam maǵan jas ereksheligime sáıkes Muqaǵalı atanyń óleńderin iriktep, jattatyp júrdi. Jıyn - toıdyń barlyǵynda men sol óleńderdi oryndap beremin. Meni týǵan - týysqandar keıde "Muqaǵalı atasynyń" shóberesi dep te ataıtyn boldy. Osylaısha, kúni - búginge deıin jattaǵan óleńimniń bas - aıaǵy elý - alpysqa jetipti. Ótken jyly aýdandyq "Muqaǵalı oqýlaryna" qatysyp, birinshi oryndy ıelendim.
Mende Muqaǵalıdyń "Jyrlaıdy júrek" atty óleńder jınaǵy bar. Meniń anam - qazaq tili men ádebıet pániniń muǵalimi. Bul kitapty 4 - synypty oqyp júrgenimde anamnan ózim qyzyǵyp surap alǵan bolatynmyn. Sol kezden bastap kúni búginge deıin bul kitap meniń qolymnan túsken emes. Muqaǵalı atanyń osy jınaqtaǵy barlyq óleńderimen tanystym. Kitapty ózimshe birneshe taqyryptarǵa toptap ta aldym. Olar: tabıǵattyń tylsym syrlary týraly, adam jáne adamgershilik qasıet týraly, ana men bala taqyrybyndaǵy óleńder, arnaý óleńder, qyzy Maıgúlge arnaǵan toptama óleńderi, mahabbat sezimi, ómir týraly tolǵanys, poemalary t. b. Bulardyń árqaısysy maǵan ózinshe tyń áser etti. Birinde qaıǵyryp muńdandym, kózime jas keldi, eńirep jyladym. Kelesi bir óleńderinde keýdemdi qýanysh pen maqtanysh sezimi kernedi. Kim - kimniń de tamyr jaıar topyraǵy, altyn besigi - týǵan jerim, ottan da ystyq bolar Otanym, kóńili darqan, keń peıil halqymmen maqtandym. Taǵy birde aqyndy shyn júregimmen aıadym. Átteń sol kezdi qaıta keltiretin sıqyr kúsh bolsa, janynan tabylyp, kóńiline demeý bolǵym keldi. Alaqany balaǵa aıdyndy qonys bola bilgen - anamnyń, asqar taýdaı qorǵanym - ákemniń, ata qonys, mekenim, altyn besik - týǵan jerimniń, qaınaǵan qannyń, qınalǵan jannyń, tolǵantqan kóńildiń, lúpildegen júrektiń syǵyndysy bolǵan ana tilimniń aldyndaǵy jaýapkershiligimdi sezindim. Muqaǵalı jyry - kóńilimniń syryn taýyp, shóldegende sýsyndatyp, saraıymdy ashty, raqatqa bóledi. Endi men de Muqaǵalısha óleń jaza bastadym. Otanyma arnadym, Elbasyma arnadym, ata - anam, baqytty balalyq shaǵyma arnap óleń jazdym. Sondaı - aq, súıikti aqynym Muqaǵalıǵa jyr shýmaǵyn arnadym. Qabyl alyńyzdar!
Muqaǵalıǵa arnaý
Qanattanyp, túlegen Qarasazda,
Joqqa kónip, qýanǵan bolsa azǵa.
Narkeýde bir jan edi jany názik,
Jyr arnaǵan uıqydaǵy aqqý qazǵa.
Júregimen jyrlaǵan úsh baqytyn,
Jyr ǵyp órip, asylyn, sóz jaqutyn.
Ómir - ózen jyrlap óte shyqty,
Táńirdiń ólshep bergen ýaqytyn.
Muqaǵalı shoq juldyz ǵoı sónbeıtin,
Árbir sózi júregińdi terbeıtin.
Muqaǵalı - sıqyrly da, syrly kúsh,
Jyrlarymen kóńilińdi emdeıtin.
Óleńderi janǵa jylý beredi,
Qaıta - qaıta oqı bergim keledi.
Ǵajaıyptan tosyn keletin bir kúshter,
Júregimdi qýanyshqa bóledi.
Muqaǵalı atamnyń óleńderine degen meniń mahabbatym anamnyń yqpalymen týdy dep oılaımyn. Sebebi, esimdi bilgeli anam maǵan jas ereksheligime sáıkes Muqaǵalı atanyń óleńderin iriktep, jattatyp júrdi. Jıyn - toıdyń barlyǵynda men sol óleńderdi oryndap beremin. Meni týǵan - týysqandar keıde "Muqaǵalı atasynyń" shóberesi dep te ataıtyn boldy. Osylaısha, kúni - búginge deıin jattaǵan óleńimniń bas - aıaǵy elý - alpysqa jetipti. Ótken jyly aýdandyq "Muqaǵalı oqýlaryna" qatysyp, birinshi oryndy ıelendim.
Mende Muqaǵalıdyń "Jyrlaıdy júrek" atty óleńder jınaǵy bar. Meniń anam - qazaq tili men ádebıet pániniń muǵalimi. Bul kitapty 4 - synypty oqyp júrgenimde anamnan ózim qyzyǵyp surap alǵan bolatynmyn. Sol kezden bastap kúni búginge deıin bul kitap meniń qolymnan túsken emes. Muqaǵalı atanyń osy jınaqtaǵy barlyq óleńderimen tanystym. Kitapty ózimshe birneshe taqyryptarǵa toptap ta aldym. Olar: tabıǵattyń tylsym syrlary týraly, adam jáne adamgershilik qasıet týraly, ana men bala taqyrybyndaǵy óleńder, arnaý óleńder, qyzy Maıgúlge arnaǵan toptama óleńderi, mahabbat sezimi, ómir týraly tolǵanys, poemalary t. b. Bulardyń árqaısysy maǵan ózinshe tyń áser etti. Birinde qaıǵyryp muńdandym, kózime jas keldi, eńirep jyladym. Kelesi bir óleńderinde keýdemdi qýanysh pen maqtanysh sezimi kernedi. Kim - kimniń de tamyr jaıar topyraǵy, altyn besigi - týǵan jerim, ottan da ystyq bolar Otanym, kóńili darqan, keń peıil halqymmen maqtandym. Taǵy birde aqyndy shyn júregimmen aıadym. Átteń sol kezdi qaıta keltiretin sıqyr kúsh bolsa, janynan tabylyp, kóńiline demeý bolǵym keldi. Alaqany balaǵa aıdyndy qonys bola bilgen - anamnyń, asqar taýdaı qorǵanym - ákemniń, ata qonys, mekenim, altyn besik - týǵan jerimniń, qaınaǵan qannyń, qınalǵan jannyń, tolǵantqan kóńildiń, lúpildegen júrektiń syǵyndysy bolǵan ana tilimniń aldyndaǵy jaýapkershiligimdi sezindim. Muqaǵalı jyry - kóńilimniń syryn taýyp, shóldegende sýsyndatyp, saraıymdy ashty, raqatqa bóledi. Endi men de Muqaǵalısha óleń jaza bastadym. Otanyma arnadym, Elbasyma arnadym, ata - anam, baqytty balalyq shaǵyma arnap óleń jazdym. Sondaı - aq, súıikti aqynym Muqaǵalıǵa jyr shýmaǵyn arnadym. Qabyl alyńyzdar!
Muqaǵalıǵa arnaý
Qanattanyp, túlegen Qarasazda,
Joqqa kónip, qýanǵan bolsa azǵa.
Narkeýde bir jan edi jany názik,
Jyr arnaǵan uıqydaǵy aqqý qazǵa.
Júregimen jyrlaǵan úsh baqytyn,
Jyr ǵyp órip, asylyn, sóz jaqutyn.
Ómir - ózen jyrlap óte shyqty,
Táńirdiń ólshep bergen ýaqytyn.
Muqaǵalı shoq juldyz ǵoı sónbeıtin,
Árbir sózi júregińdi terbeıtin.
Muqaǵalı - sıqyrly da, syrly kúsh,
Jyrlarymen kóńilińdi emdeıtin.
Óleńderi janǵa jylý beredi,
Qaıta - qaıta oqı bergim keledi.
Ǵajaıyptan tosyn keletin bir kúshter,
Júregimdi qýanyshqa bóledi.
You Might Also Like
