InfoHub Logo

7-10 synyptarda algebrany kelesi oqý tórt mazmundy jeliler aınalasynda qurylady: sandar jáne órnekter, teńdeýler men teńsizdikter, fýnksıalar, yqtımaldyqtar teorıasy men statısıka elementteri. Bul jelilerdiń barlyǵy ózara tyǵyz baılanysta jáne birigip árekettese damıdy.
7-9 synyptarda algebrany oqytý matematıkalyq bilim berý júıesindegi aıaqtaýshy kezeń emes, aralyq kezeń bolyp tabylady. Oqýshyny ary qaraı oqytý onyń matematıkalyq daıyndyǵynyń belgili bir bazasynda júzege asyrylady.
Maqsaty: algebrany oqytý barysynda matematıkalyq oılaý men esepteý bilikterin turaqty damytý.
Mindetteri:
- ártúrli sandarǵa arıfmetıkalyq amaldar qoldaný bilikterin damytý;
- formaldy-shapshań algebralyq apparatty jáne ony matematıkalyq jáne matematıkalyq emes esepterdi shyǵarýda qoldaný biligin ıgertý;
- fýnksıonaldyq-grafıktik túsinikterdi qalyptastyrý jáne olardy naqty táýeldilikterdi sıpattaý jáne taldaý úshin paıdalanýǵa úıretý;
- statısıkalyq málimetterdi usynýdyń jáne taldaýdyń negizgi tásilderimen, naqty ómirdegi statısıkalyq zańdylyqtarmen tanystyrý, múmkindiginshe qarapaıym túsinik berý.