InfoHub Logo

Taqyryby: «Kúz patshalyǵy»
Kúz hanshaıymy: (mýzykamen bılep kiredi) Sálemetsizder me, qonaqtar! Molshylyqqa toly, berekeli altyn kúz merekesi barshańyzǵa qutty bolsyn! Meniń mynadaı ásem «kúz patshalyǵyma» qosh keldińizder! Men osy kúz patshalyǵyma balalardy da, shaqyrǵym kelip tur. (Mýzykamen balalar kiredi)

Sholpan: (shegirtke) Biz shyryldaýyq shegirtkemiz
Yrshyp júrip án salamyz
Kógaldy qýyp gúl attap
Saýyq saıran quramyz
Jazdygúni japyraqtyń
Birinde tamaq, birinde úı
Kúnde dýman, kúnde toı
Ýaıym-qaıǵy jumys joq
Bizdiń jaǵdaıymyz jaqsy, bizge raqat, bizge raqat!
Tárbıeshi:Shegirtkeler bizdiń kúz patshalyǵymyzǵa qosh keldińder! Jumys joqtaryń qalaı, kúz mezgili boldy ǵoı. Qysqa daıyndalmaısyńdar ma?
Sholpan: Ýaqyt jetedi, qysqa sosyn daıyndalamyz.
Tárbıeshi: Bizge kórsetetin qandaı ónerleriń bar?
Sholpan: Biz, shegirtkeler bıin bılep bersek. Júrińder shegirtkeler.

Bı: «Shegirtkeler»
Kúz: Rahmet senderge. Endi qysqa daıyndala berýge bolady.
Mýzyka oınalyp qustar ushyp keledi: Dılnaz, Lıza, Dana.
Dılnaz: Qus bitken saırap, bárimiz masaırap, shat-shadyman ómir súremiz. Bıyl jemis-jıdekter erte gúldep, pisip barshany qaryq qyldy ǵoı. Tamaq toq, jumys joq. Ha-ha-ha dep –kúledi.
Tárbıeshi: Shegirtkeler, qustar sender erinshek bolyp ketipsińder, jaz mezgili degenderiń ne, jaz ótip kúz boldy.
(Osy kezde Juldyzqurt keledi de, aǵashtaǵy almany jeı bastaıdy)
Rasýl: Juldyzqurt almalardy nege jeısiń, jeme! Biz saǵan taqpaq aıtyp bereıik
Juldyzqurt: Jaraıdy, aıtyńdar taqpaqtaryńdy tyńdaıyn.
Alan: Qustar qaıtty án salyp
Bult torlady aspandy
Qys keledi jar salyp
Kúzgi sýyq bastaldy

Alı: Qustar qaıtty kúz bolyp
Sur bult japty aspandy
Japyraq túsip gúl solyp
Qys yzǵary bastaldy
Tárbıeshi: Qustar, shegirtkeler qarańdarshy, juldyzqurt jemisterdi jep jatyr. Endi kómekke ne keler eken.

Qumyrsqa - Anel: Masqara, bul ne jatys, kúz bolsa keldi. Qustar senderge ne bolǵan, myna jemisterdi qurttar jep qoıdy ǵoı. Shegirtke saǵan ne joq. Qysqa azyǵyń daıyn ba? Qystyń qamyn jaz oıla, degen! Myna qurttardy qýý kerek, ket bul jerden –dep qustar, barlyǵy jabylyp qurtty qýyp jiberedi.
Tárbıeshi: Balalar, qurtty qýyp jiberdik, endi qumyrsqa men shegirtke bizben birge án aıtyp, bılesin.

Án: «Kúz kelgende» Aǵylshyn tilinde kúz týraly án aıtylady.
Jańbyrdyń dybysy estiledi.
Tárbıeshi: Oı balalar! estip tursyńdar ma, jańbyr jaýaıyn dep tur.
Bult kiredi: Sálemetsińder me, balalar, qonaqtar!
Kúzgi kók bult men bolam
Kóterilip teńizden
Aspanǵa bıik baramyn
Qalasam qazir senderge
Jańbyr bolyp jaýamyn! –dep sý shashady. Balalar, sender jańbyrdan qoryqpaısyńdar ma?
Qyzdar shyǵyp: Jańbyr, jańbyr jaýa ber
Qoryqpaımyz biz senen
Qolymyzda qolshatyr
Kel, bıleshi bizbenen! – dep bıleıdi

Bı: «Qolshatyr»
Bult oıyn oınatady: «Tamshylar men japyraqtar»
Tárbıeshi: Bult senimen óte kóńildi. Balalar senimen oınady, kúldi, biraq bizge áli de bireý jetispeıtin sıaqty. Bizde «kún» joq eken. Qane, balalar bárimiz merekemizge kúndi shaqyraıyq.
Kún: Sálemetsińder me, balalar! sender meni shaqyrdyńdar ma, dostarym!
Men jarqyrap tóbede
Nuryn tógip turamyn
Shýaq shashyp bárińe
Bala janyn uǵamyn
Bult: Kún, kún toqtaı tur!
Sózime meniń qulaq túr
İshim toly sýǵa
Sýsyz ómir bola ma?
- Joq, endeshe men bárińe kerekpin, men myqtymyn.
Kún: Joq, men myqtymyn - dep ekeýi daýlasady, aıaqtaryn tarsyldatady.
Kúz: Tynyshtalyńdar, daýlaspańdar! Balalar kún men bultty tatýlastyrý úshin mýzyka hanshaıymy «skrıpkaǵa» sóz bereıik. (Skrıpkanyń súıemeldeýimen qyzdar japyraqpen bıleıdi)
Kúz:Jaraısyńdar, balalar! Kún men Bult tatý bolsa
Bári de kóńildi
Kún menen sý bar jerde
Baý-baqsha gúldener
- Endeshe eshqashan daýlaspańdar, dos bolyńdar!
- Jaraıdy, endi dos bolyp júremiz –dep qoldarynan ustap, qoshtasyp shyǵyp ketedi.
Án:
«Ýrojaı sobıraı» Taqpaqtar:
Kúz: Búgingi merekege ózimniń qyrkúıek, qazan, qarasha atty aılarymdy ertip keldim.
Rasýl –Qyrkúıek: Kúzdiń osy aıynda
Alma, almurt pisedi
Japyraqtar sarǵaıǵan
Sybdyr-sybdyr túsedi
Bekzat-Qazan: Qazan aıy bastaldy
Qustar qaıta bastady
Týystyq, adal dostyqpen
Altyn kúz toıy jalǵasty
Nurlybek-Qarasha: Qystyń jaqyn qalǵanyn
Japyraqtar bilgendeı
Jelmen ushyp barady
Jerge qonyp úlgermeı

Tárbıeshi: Nege, sizdi jomart kúz dep aıtady.
Kúz: Iá, men jomartpyn. Mereke basy án bolar, bereke basy dán bolar dep halqymyz beker aıtpaǵan. Men kóktemde ekken mol astyqty jınap, qambalarǵa toltyrdym. Maǵan kimderdiń kómekteskendirin ózderi aıtyp bersin.
(Mýzykamen Jer Ana, Dıhan ata keledi)
Jer Ana: (qolynda nan) Mereke qutty bolsyn! Dastarhan mol bolsyn, molshylyq bereke bolsyn!
Dıhan ata: (qolynda ketpeni bar) Osy boldy qalaǵa jetkenim
Senderge aıtar amanatym
Qaladaǵy órenderim eshqashan
Umytpańdar, babalardyń ketpenin!

Kúz: Kórdińder me, maǵan kimderdiń kómekteskenin. Endi sender de, maǵan kartop pen pıazdy jınaýǵa kómektesińder. (Bokstyń qolǵabymen jınap, sebetke salady)
Balalar, meniń patshalyǵym senderge unady ma?

Tárbıeshi: Balalar, mine bizdiń merekemizde aıaqtaldy. Biraq, kúz bizben qoshtaspaıdy. Biz dalaǵa serýenge shyqqanda, onymen kezdesemiz.
Berekeli –baq dáýlet
Arta tússin toılanyp
Saý bolaıyq bárimiz
Kelgenshe kúz aınalyp