InfoHub Logo

Sabaqtyń taqyryby: Kıimder
Sabaqtyń túri: aralas sabaq
Sabaqtyń maqsaty:
1. Balanyń kıimder týraly uǵymyn molaıtý. Kıim ataýlaryn durys ári anyq aıtýǵa kórnekilikter arqyly tárbıeleý.
2. Tanymdyq prosesterin, logıkalyq oılaýyn oıyndar arqyly damytý.
3. Sensorlyq qabyldaýyn túzetý. Qoldyń usaq motorıkasyn damytý.
4. Tazalyqqa, adamgershilikke, ádeptilikke tárbıeleý.
Ádis – tásilder: túsindirý, áńgimelesý, d/oıyndar, suraq – jaýap.
Jumys túri: jeke jumys
Qural – jabdyqtar: jyl mezgilderine saı kıimder, ul men qyzǵa arnalǵan kıimder, qıma sýretter, pazldar.
İ. Uıymdastyrý kezeńi:

1. Balamen sálemdesý
- Sálemetsinbe? Qalaı demaldyń?
- Jaqsy!
- Dalada qaı jyl mezgili?
- Kóktem! Búgin kóktemniń ekinshi kúni!
- Búgin qanshasy?
- Naýryzdyń ekisi
- Jaraısyń!
2. Sabaqqa daıarlyq.
3. Jattyǵýlar qataryn jasatý:
«Saýsaqqa arnalǵan jattyǵý»
«Qoldyń usaq qımylyn damytýǵa arnalǵan jattyǵýlar»

İİ. Ótken taqyrypty qaıtalaý: «Kólikter»
1. Biz ótken sabaqta kólikter týraly óttik. Qane qandaı kólikterdi bilesińder: avtobýs, troleıbýs, poıyz. kamaz, keme, qaıyq. ushaq, tik ushaq;
2. Balalar osy kólikterdi toptastyraıyqshy:
sý kólikteri: keme, qaıyq
áýe kólikteri: ushaq, tik ushaq
jerde júretin kólikter: avtobýs, troleıbýs, poıyz. Kamaz.

İİİ. Jańa taqyryp: «Kıimder»
1. Ótken sabaqpen baılanystyryp kıimder taqyrybyn ótý. Kólikter sekildi kıimderde adam úshin mańyzdy. Kıimder jyl mezgiline saı 4 túrge bólinedi: jazdyq(kóılek, beldemshe, jeıde, týflı), qystyq(ton, kúrteshe, báteńke, malaqaı, bókebaı), kóktemdik – kúzdik. Sonymen qatar ul jáne qyz balalarǵa arnalǵan kıimder bolyp bólinedi. Búgin biz osy kıimder týraly ótemiz.
2. Sýretpen jumys.
Taqtaǵa ilingen sýretterdi muǵalim tanystyrady, ataýlaryn ataıdy, qaıtalaıdy.
3. d/oıyn:«Kimge arnalǵan kıim?»
Maqsaty: Balalardyń zeıinin, logıkalyq oılaýyn damytý.
Sharty: Ulmen qyzdyń kıimderin aralastyryp qoıamyz, bala kyzdyń kıiminiń ústine gúldi, uldyń kıiminiń ústine japyraq jabystyrady.
4. d/oıyn: «Qýyrshaqty kıindir» (pazl)
Maqsaty: Oılaý qabiletin damytý arqyly sózdik qoryn damytý:
Sharty: Pazlda ul men qyzdyń sýreti salynǵan, qasynda kıim úlgileri berilgen. Ul men qyzdy jyl mezgiline saı kıindirý kerek.

Sergitý sáti:
Ornymyzdan turaıyq,
Qolymyzdy sozaıyq,
Ońǵa qaraı bir ıip
Solǵa qaraı bir ıip
Belimizdi jazaıyq
Shyńǵa qaraı umtylyp
Jıraf bolyp turaıyq.

İÚ. Jańa taqyrypty bekitý:
1. d/oıyn: «Anama kóılek syılaımyn!!!»
M: Oılaý qabiletin, elestetý qıalyn, usaq motorıkasyn damytý.
Sh: Aq qaǵazǵa salynǵan kóılekti boıaý. Qandaı túspen boıaǵanyn aıtý.

Ú. Qorytyndy:
1. Muǵalimmen birigip kıim ataýlaryn ataıdy.
2. Balaǵa suraq qoıý arqyly sabaqty qorytyndylaý.
- Balalar búgin ne týraly óttik?
- Saǵan sabaq unady ma?

Úİ. Úıge tapsyrma:
1. Kıimderdiń keskinin boıap kelý.
Kıimder júkteý