InfoHub Logo

Ertede bizdiń jerimizde erkindik súıgish saqtar ómir súrgen. Shamamen eki jarym myń jyl buryn qudiretti parsy patshasy Kır olardy baǵyndyrýdy oılaıdy. Onyń áskeriniń tegeýrinine eshkim tótep bere almaıtyn. Kırdiń jeńimpazdyǵy týraly daqpyrt álemdi sharlap ketken. Alaıda saqtardy baǵyndyramyn degen oıy iske aspaı, kerisinshe, búkil álemge masqarasy shyǵady. Oqıǵa bylaı bolǵan eken.

Kır jaqsy qarýlanǵan áskerin saq-massagetterdi baǵyndyrýǵa attandyrady. Saq-massagetterdiń padıshasy er júrek Tomırıs edi. Kır oǵan elshisin jiberip «Maǵan turmysqa shyqsyn» degen usynys jasaıdy. Padısha Kırdiń oıy ózinde emes, patshalyqty ıelený ekenin túsinip, oń qabaq tanytpaıdy. Ol Kır áskeriniń ózenniń arǵy betinde — shekarada turǵanyn bilgendikten, elshi jiberip, keri qaıtýyn usynady. Alaıda parsylar ózennen ótip, masagetterdiń tobyna jaýyzdyqpen shabýyl jasaıdy.

Olar Tomırıstiń uly Spargapısti tutqynǵa alady. Padısha taǵy da Kırden jerinen ketip, Spargapısti azat etýdi talap etedi. Biraq Kır shabýylyn jalǵastyra beredi. Osy kezde buǵaýdan qutylǵan Spargapıs ózine qol jumsaıdy. Yzaǵa býlyqqan Tomırıs Kır áskerin tolyq talqandaıdy. Osy shaıqasta parsy patshasy Kır ólip, onyń 200 myń jaýyngeri jer jastanady. Padısha Tomırıs «İzdegeniń qan edi, al ish, endeshe!» dep onyń basyn qan toltyrylǵan meske batyrady.

Parsylar saqtardyń erkindik úshin óz ómirin qıýǵa ázir ekenin túsinip, basqynshylyq joryqtaryn toqtatady.

---