InfoHub Logo

Tanymal telejúrgizýshi Láılá Sultanqyzy marqum kúıeýiniń beıiti basynan vıdeo jarıalady. Ol bul áreketin aıaýshylyq sezimin oıatý úshin emes, belgili bir sebeptermen jasaǵanyn aıtty.

Bul týraly Infohub.kz aqparat agenttigi habarlaıdy.

Ulymen birge Quran oqýǵa bardy

Láılá Sultanqyzy úlken uly Sardarmen birge ákesiniń beıitine baryp, Quran oqyǵan. Ol bul sáttiń ózine de, balasyna da ońaı tımegenin jetkizdi. Telejúrgizýshiniń aıtýynsha, es bilip qalǵan balaǵa ómirdiń shyndyǵyn jasyrmaı, sanaly túrde túsindirip otyrý qajet.

Ómir sabaqtary

Sultanqyzy óz jazbasynda ómirdiń máni, baılyq pen ataqtyń ýaqytsha ekeni týraly oıyn bólisti. Ol balalardy tek jeńisterge ǵana emes, jeńilisterge de, qýanysh pen qaıǵyǵa da daıyndaý kerektigin atap ótti. «Biz balalardy barlyq qıyndyqtan qorǵaı almaımyz. Biraq qıyndyq kelgende synbaıtyndaı etip tárbıeleı alamyz. Menińshe, naǵyz myqtylyq – ómirdiń ashshy-tushshysyn kórse de, júregindegi meıirimin joǵaltpaý», - dep jazdy ol.

Jeli qoldanýshylary Láılá hanymǵa qoldaý bildirip, onyń pikirin quptaǵandaı boldy.