InfoHub Logo

Tanymal prodúser Baıan Alagózova óziniń burynǵy shákirti, ánshi Baljan Bıdashqa qatysty pikirin ashyq aıtty. "Keshú" tobynyń mereıtoıyna oraı bergen suhbatynda Alagózova, Bıdashtyń ózine qatysty aıtqan sózderine jáne jobadan bas tartýyna qynjylǵanyn jetkizdi.

Bul týraly Infohub.kz aqparat agenttigi habarlaıdy.

Ánshiniń synyna jaýap

Baıan Alagózovanyń aıtýynsha, Baljan Bıdash onyń «ádemi emes» degen pikirin kóńiline alǵan. Prodúser mundaı reaksıany túsinbeıtinin aıtyp, adamnyń ózine degen senimi syrtqy pikirden basym bolýy kerektigin atap ótti. «Meni de usqynsyz deıtinder bar. Biraq men ózgeniń pikirine emes, ózime senemin», – dedi Alagózova.

Ýádesin oryndamady

Sonymen qatar, Baıan Alagózova Baljan Bıdashtyń bir jobaǵa qatysýǵa ýáde berip, keıin orta jolda bas tartqanyna qatty renjigenin bildirdi. Onyń sózinshe, mundaı áreket prodúser retinde oǵan aýyr tıgen. «Qatysamyn dep sóz berip, keıin ýádesin oryndamady. Bizdi orta jolda qaldyrdy. Sońǵy ret kezdeısoq kezdeskende ózi amandasty. Men de sálemdestim de, ári qaraı sóılespedim. Sebebi mundaı áreket jasaǵan adamǵa qurmetim bolmaıdy», – dep pikirin qorytyndylady prodúser.