Photo: cottonbro studio (https://www.pexels.com/@cottonbro) / Pexels
Makınsk qalasynda 18 jastaǵy jigitti pyshaqtap jaralaǵan burynǵy synyptasy ustaldy
Makınsk qalasynda 18 jastaǵy jergilikti turǵyn pyshaq jaraqatymen aýrýhanaǵa tústi. Shabýyl jasady degen kúdikpen polısıa onyń burynǵy synyptasyn ustady.
Bul týraly Infohub.kz aqparat agenttigi habarlaıdy.
Oqıǵanyń mán-jaıy
Aqmola oblysy polısıa departamentiniń habarlaýynsha, oqıǵa 24 sáýirde bolǵan. Sol kúni zardap shekken azamat Makınsk qalasyndaǵy medısınalyq mekemege jetkizilgen.
«24 sáýirde Makınsk qalasyndaǵy medısınalyq mekemege pyshaq jaraqatymen 18 jastaǵy jergilikti turǵyn jetkizildi. Qylmystyq is qozǵaldy. Qylmys jasady degen kúdikpen jábirlenýshiniń burynǵy synyptasy ustaldy. Kúdikti ýaqytsha ustaý ızolátoryna qamaldy», - dep habarlady polısıadan.
Tergeý jalǵasýda
Qazirgi ýaqytta quqyq qorǵaý organdary tergeý áreketterin júrgizip jatyr. Polısıa oqıǵanyń barlyq mán-jaıyn anyqtap jatqanyn naqtylady.
«Polısıa oqıǵanyń barlyq mán-jaıyn jan-jaqty, tolyq jáne obektıvti anyqtaýǵa baǵyttalǵan keshendi tergeý áreketterin júrgizýde», - dep tolyqtyrdy vedomstvodan.
Tergeý barysy polısıa departamenti basshylyǵynyń baqylaýynda. İstiń basqa da mán-jaılary QR Qylmystyq-prosestik kodeksiniń 201-babyna sáıkes jarıa etilmeıdi.
-
Ýznaıte aktýalnye kýrsy dollara, evro ı rýblá v obmennyh pýnktah Astany, Almaty ı Shymkenta na 26 aprelá.
-
An 18-year-old was hospitalized with stab wounds in Makinsk, leading to the arrest of a former classmate.
