InfoHub Logo

Qaraǵandy oblysynda 13 jasar Beıbarys Rys esimdi bala joǵalyp ketti. Onyń sońǵy habarlamasynan úreıli jaǵdaı baıqalady. «Mama, kómektes, ólgim kelmeıdi», - dep jazǵan bala anasyna.

Bul týraly Infohub.kz aqparat agenttigi habarlaıdy.

İzdestirý jumystary túnnen beri jalǵasýda

Beıbarys 1 sáýir kúni Abaı qalasynda dostarymen birge serýendeýge shyqqan. Olar Qarabas kentine qaraı bet alǵan. Keshke qaraı bala úıine jalǵyz qaıtýǵa sheshim qabyldaǵan. Jolda anasyna telefon arqyly habarlamalar jiberip, kómek suraǵan. Telefon qýaty taýsyla bastaǵanyn aıtyp, qatty tońyp turǵanyn jetkizgen. Sońǵy habarlamasynda «ólgim kelmeıdi» dep jazǵan jáne anasyn jaqsy kóretinin bildirgen.

Balanyń sıpattamasy men jaǵdaıy

Týystarynyń aıtýynsha, Beıbarys jeńil kıingen jáne astma aýrýymen aýyrady. Onyń boıy shamamen 150-155 sm, dene bitimi ortasha. Ústinde qyzǵylt sary fýtbolka, qara shalbar jáne jasyl aıaq kıim bolǵan.

Aýqymdy izdeý operasıasy

Balanyń joǵalǵany týraly aryz 2 sáýirde Abaı aýdandyq polısıa basqarmasyna túsken. Oqıǵa ornynan dereý polısıa qyzmetkerleri men TJD mamandary jumyldyryldy. Qazirgi ýaqytta izdeý jumystaryna shamamen 300 adam, sonyń ishinde qutqarýshylar, eriktiler jáne Ulttyq ulan sarbazdary qatysýda. Aýmaqty sholý úshin tikushaq pen drondar da qoldanylýda. İzdeý jumystary erekshe baqylaýda jalǵasyp jatyr.