InfoHub Logo

Jas bolyp, jastyqtyń lebimen bárimiz de kishkentaı kezimizde mamandyqty armandaýshy edik. Alaıda armannyń bári oryndala bermeıtini ókinishti. Búgingi kúni jastarymyz óz qalaýymen emes, ata-ananyń nemese qorshaǵan ortanyń yqpalyna táýeldi.

​Qazir talapkerlerdiń qalaǵa aǵylyp jatqan kezi. Báriniń qolynda úlken ómirge joldama beretin atestat, ıaǵnı mektep bitirgenin rastaıtyn qujat bar. Báriniń armany – joǵary oqý ornyna túsip, maman ataný. Al mamandyq tańdarda talapkerler neni eskergeni jón? Qoǵamǵa qajetti maman ıesi ataný úshin ata-anań men jaqyndaryńnyń aqyl-keńesine nemese júregińniń qalaýyna qulaq asýdyń mańyzy qandaı? Osy ispettes suraqtar kókeıimizde jaýap taba almaı jatady.

​Óz isiniń mamany ataný ekiniń birine buıyra bermeıtin baq. «Ómirde jar tańdaýdan jáne mamandyq tańdaýdan qatelespeý kerek» degen sóz osydan shyqsa kerek. Kez kelgen nársege mahabbat kerek. Mamandyq ta sony talap etedi. Mine sonyń dáleli. Birinshi kýrs kezi túsirilim sáti bolatyn, bárimizdi kórermen retinde shaqyrdy. Qýana - qýana kelistik. Jáne sol sátti paıdalana, telearnada jumys isteıtin jýrnalıske qyzyǵyp, bir eki suraq qoıǵan bolatynmyn. Áńgime arasynda óziniń negizgi oqyǵan mamandyǵy býhgalter ekenin aıtty. Tańyrqaǵanymdy jasyra almaı nege qazir dıplom boıynsha jumys istemeısiz?  dep suraq qoıdym.  Sóıtsem dıplom shań basqan kúıi úıdiń bir buryshynda eken. Jýrnalısıka mamandyǵyna baly jetpeı, býhgalter fakúltetine grant utyp alǵan. Mine júrek qalaýy bárinen joǵary bolatynyń dáleli.

​"Zamanyna qaraı mamany" jahandaný dáýirinde bári de qaltasyn qalyń etetin, bedeldi ári jeńil jumys istegendi jany jaqsy kóredi. Ata analarymyz da kishkentaı kezimizde balam dáriger bolady nemese zańger dep maqtanyp jatady. Biraq óse kele bizdiń maqsatymyz, boıymyzdaǵy daryndylyq, qabilet saı kelmeı,  qoǵamdaǵy óz ornymyzdy joǵaltyp alýǵa óz áserin tıgizedi. Men de balalyq shaǵymnan teledıdar kórip, telejúrgizýshilerge qatty qyzyqtym. Jýrnalıs ataný men úshin eń úlken arman boldy. Alaıda ákem meniń bul sheshimimdi quptaǵan  joq, maǵan qarsy bolyp bas tartqanymdy qalady. Bilseńiz ǵoı túnde uıqymnan aıryldym, meniń basqa tańdaýym joq. Ata - anama túsindirýge tyrysyp, jýrnalıs bolý úshin kedergilerdiń bárine shydamdylyq tanyttym. Dál sol shydamdylyq arqasynda armanymdy maqsatqa aınaldyryp, ózimniń qolymnan keletinin dáleldedim.

​Qazaqstan  ekonomıkalyq saıası turǵydan damyǵan memleketter qatarynda bolý úshin bizge óz kásibiniń  mamandary qajet. Dálirek aıtqanda el bolashaǵy urpaqtyń qolynda,  urpaq  patrıottyq tárbıeni boıyna sińirip, halqy úshin adal qyzmet etse, keler kúnimiz jarqyn bolatyny senimimiz kámil.

Samatuly Madı

---