InfoHub Logo

Sabaqtyń taqyryby: «Mamandyqtar álemi: biz tańdaıtyn joldar» (slaıdymen)
9 - 11 synyp oqýshylary
Sabaqtyń maqsaty: oqýshylarǵa durys kásibı tańdaý jasaýlaryna kómektesý.
Sabaqtyń mindetteri:
1. Oqýshylarǵa mamandyqty durys tańdaý máselesiniń mańyzdylyǵyn kórsetý; mamandyqtar álemine saıahat jasaý;
1. Taldaý, oılaý, refleksıany, ózin - ózi tanýǵa degen talpynysyn damytý;
2. Óz tańdaýy úshin jaýapkershilik sezimin, alǵa maqsat qoıý jáne soǵan umtylý, ómir súrýge degen qulshynysyn qalyptastyrý.
Sabaqtyń barysy: jalpy sabaq usynǵan prezentasıa jelisimen ótkiziledi.
1. Sálemdesý kezeńi. Psıholog óz qalaýy boıynsha bir ádisti tańdap, oqýshylarmen amandasady.

2. Sabaqqa kirispe.
- Qurmetti oqýshylar, senderdiń oılaryńda túrli suraqtar týyndap jatady. Mysaly,
• Qaıda baramyn?
• Kim maǵan kómektesedi?
• Men kimmin?
• Ne úshin ómir súrip jatyrmyn?
• Kim bolamyn?
• Kimge senemin?
Oqýshylardyń jaýaptary tyńdalyp, qysqa taldaý jasalady.
- Balalar, qazirgi kezde mektep bitirýshi túlekterdiń eń jıi tańdaıtyn mamandyqtary mynandaı eken:
• zańger
• aspazshy
• aýdarmashy
• muǵalim
• menedjer
• veterınar
• programmıst
• ınjener
• bank qyzmetkeri
• dızaıner
• ekonomıs
• dáriger
• psıholog
• tárbıeshi
• bıznesmen
• qurylysshy
- Statısıkaǵa súıensek, Qazaqstannyń JOO birinshi stýdentteriniń 28% óz tańdaýlaryna kóńilderi tolmaı, sol mamandyqty tańdaǵanyna ókingen eken. Surastyra kele, mamandyqty tańdaýda olardyń:
1. 30% - ata - anasynyń, muǵalimderdiń keńesine súıengen eken;
2. 44% - úıerine jaqyn aımaqty tańdaǵan eken;
3. 12% - qazirgi tańda «modno» degen mamandyqtary tańdaǵan;
4. 14% - mamandyǵyn eń sońǵy sátte tańdaǵandary belgili bolypty.
- Sondyqtan da, qurmetti oqýshylar dál qazir durys tańdaý jasaý máselesine kóńil bóleıik. Muqıat tyńdap, suraqtaryń bolsa, túrtip otyryńdar. Sabaq sońynda týyndaǵan suraqtardy talqylaıtyn bolamyz.

3. Negizgi bólim
Negizgi bólimde psıholog prezentasıada usynylǵan aqparatpen tanystyrady.
1. Negizgi 5 mamandyqtar aımaǵyn bólip, olarǵa sáıkes mamandyqtardy atap keledi. Olar:
1. «Adam - Tabıǵat» aımaǵy
2. «Adam - Tehnıka» aımaǵy
3. «Adam - Adam» aımaǵy
4. «Adam - Belgiler júıesi» aımaǵy
5. «Adam - Kórkemdik beıne» aımaǵy
2. Osy mamandyqtar áleminde durys tańdaý jasaı alýy úshin balalardy «Mamandyq tańdaý formýlasymen» tanystyrady.
Taldaý, qorytyndylaý: «Qalaımyn», «Qolymnan keledi» jáne «Qajet» - osy úsheýin bir - birimen úılestire alsań, seniń kásibı tańdaýyń óte sátti bolmaq.
Seniń mindetiń – kelesi talaptardy oryndaıtyn mamandyqty tańdaý:
• Sen úshin mamandyǵyń qyzyqty jáne tartymdy bolýy qajet;
• Seniń qabiletterińe sáıkes kelýi qajet;
• Eńbek naryǵynda suranysqa ıe bolýy qajet.

4. Praktıkalyq bólim. «Mamandyqty tańdaý» praktıkýmy.
Oqýshylarǵa «Sen kimsiń?» mını - testin oryndaý usynylady. Test nusqaý boıynsha oryndalyp bolǵannan soń, ınterpretasıalanady, ár fıgýraǵa sáıkes psıhologıalyq sıpattamalar beriledi. Sońynda, ár fıgýraǵa (sáıkesinshe, minez erekshelikterine) saı keletin mamandyqtar usynylady.
Taldaý:
- Tańdaǵan fıgýrańa sáıkes psıhologıalyq sıpattamalar saǵan qanshalyqty keledi dep oılaısyń?
- Ár toptaǵy mamandyqtarǵa ortaq ne?
- Óziń týraly jańa ne bildiń?
Balalar óz oılarymen bólisip, talqylaý júredi.