InfoHub Logo

Mańǵystaý oblysynda buǵan deıin mamandar nazaryna ilikken aldyńǵy azıalyq leopardtiń erkegi qaıtadan kórindi. Bul týraly Tengri Travel Lada.kz-ke silteme jasap habarlaıdy.

Ańǵashy ret 2024 jyly fototuzaqqa ilinip, keıinnen Altynkoz esimin alǵan bul leopard 2026 jyldyń naýryz jáne mamyr aılarynda Ústirt qoryqtary aýmaǵynda baıqaldy.

"2026 jyldyń sáýir aıynda osy leopardti Qyzylsaı tabıǵı parkiniń qyzmetkerleri uıaly telefonǵa túsirip alǵan bolatyn. Osylaısha, naýryz ben mamyr aralyǵynda Altynkoz qoryqtan Qyzylsaıǵa deıin 450 shaqyrymnan astam qashyqtyqty júrip ótip, keri qaıtqan. Ótken jyly da shamamen osyndaı baǵytty baǵyndyrǵan", - dep habarlady Bıoalýantúrlilikti zertteý jáne saqtaý ortalyǵy.

Mamandardyń pikirinshe, leopard analyq izdep únemi alys jolǵa shyǵady. Alaıda, bul áreketteri ázirge nátıjesiz bolyp otyr. Sebebi, erkekterden aıyrmashylyǵy, leopard analyqtary mundaı qashyqtyqqa júrýdi unatpaıdy. Túrikmenstannan Ústirttiń qazaqstandyq bóligine leopard analyqtarynyń kirýi týraly naqty derekter ázirge joq, biraq bul múmkindikti tolyq joqqa shyǵarýǵa bolmaıdy.

Mańǵystaýdaǵy leopardtiń qozǵalysyn baqylaý Ústirt qoryǵy men Qyzylsaı tabıǵı parki qyzmetkerleriniń 2023 jyly bastalǵan halyqaralyq jobasy arqasynda múmkin boldy. Bul joba leopardti Qazaqstanda zertteýge jáne qorǵaýǵa baǵyttalǵan.

Buǵan deıin "Qyzylsaı" parkiniń ańshy mamany bul leopardtiń Mańǵystaý oblysyndaǵy jalǵyz leopard ekenin aıtqan bolatyn.