InfoHub Logo

Mańǵystaý oblystyq prokýratýrasynda oblys prokýrory Serikqalı Qýshalıevtiń tóraǵalyǵymen alqa otyrysy ótti. Jıynda azamattardyń sotqa deıingi tergeý satysyndaǵy konstıtýsıalyq quqyqtaryn qamtamasyz etý máseleleri qaraldy.

Bul týraly Infohub.kz aqparat agenttigi habarlaıdy.

Sotqa deıingi tergeýdegi zańdylyq

Otyrysqa óńirdegi sot organdarynyń tóraǵalary men quqyq qorǵaý qurylymdarynyń basshylary qatysty. Kún tártibinde sotqa deıingi tergeý barysynda azamattardyń konstıtýsıalyq quqyqtaryn qozǵaıtyn tergeý áreketterin júrgizý kezinde zańdylyqty qamtamasyz etý máseleleri qaraldy.

2025 jyldyń qorytyndysy boıynsha sottarǵa 3697 prosesýaldyq áreketke sanksıa berý týraly ótinishhat joldanǵany, onyń 88,2%-y qanaǵattandyrylǵany atap ótildi. Aǵymdaǵy jyly bul kórsetkish 84,6%-dy qurady.

Bultartpaý sharalary men tergeý áreketteri

Jıyn barysynda bultartpaý sharalaryn, sonyń ishinde qamaýda ustaýdy qoldaný máselelerine erekshe nazar aýdaryldy. Tergeý organdarynyń ótinishteriniń jetkiliksiz negizdelgendigi saldarynan qamaýǵa sanksıa berýden bas tartý jaǵdaılary oryn alǵany aıtyldy.

Sondaı-aq, tintý jáne alý áreketterin júrgizý máselelerine jeke toqtaldy. Ótinishhattardy qanaǵattandyrýdyń joǵary paıyzyna qaramastan, prosesýaldyq qujattardy resimdeýde formalızmge jol berilgen jáne zań talaptarynyń buzylýy sıaqty buzýshylyqtar anyqtaldy.

Sonymen qatar, bultartpaýdyń balama sharalaryn qoldaný boıynsha oń dınamıka baıqalady. 2026 jyly úı qamaǵyna alý týraly barlyq ótinishhattar sottarmen qanaǵattandyryldy.

«Azamattardyń konstıtýsıalyq quqyqtaryn qamtamasyz etý – bul formaldylyq emes, qylmystyq prosestiń negizi. Olardyń buzylýynyń árbir faktisi prınsıpti baǵalanýy jáne tájirıbeden alynyp tastalýy tıis», - dedi oblys prokýrory.

Otyrys qorytyndysy boıynsha, sotqa deıingi tergeýdiń sapasyn arttyrýǵa, qylmystyq prosestiń úsh býyndy modeli aıasynda vedomstvoaralyq ózara is-qımyldy kúsheıtýge jáne budan ári buzýshylyqtarǵa jol bermeýge baǵyttalǵan sharalar kesheni bekitildi.