Photo: Pixabay (https://www.pexels.com/@pixabay) / Pexels
Mańǵystaýdaǵy Boqty taýy álemdik basylymnyń juldyzyna aınaldy
Mańǵystaýdyń Qaraqıa aýdanynda ornalasqan, óziniń tańǵajaıyp bederimen erekshelenetin Boqty taýynyń sýreti sheteldik The Trillionaire Life jýrnalynda jarıalandy. Bul jýrnaldyń Instagram paraqshasynda 12 mıllıonnan astam oqyrman bar.
Bul týraly Infohub.kz aqparat agenttigi habarlaıdy.
Taýdyń ereksheligi
Jýrnal paraqshasynda Boqty taýynyń biregeıligi onyń tereń geologıalyq tarıhymen baılanysty ekeni atap ótilgen. Mıllıondaǵan jyl buryn qazirgi Mańǵystaý aýmaǵy ejelgi muhıttyń túbi bolǵan. Sýdyń sheginýinen keıin shógindi qabattar qataıyp, erozıanyń áserinen shól dalada jalǵyz turǵan músinge uqsas erekshe pishinge ıe bolǵan.
Tabıǵattyń tamasha týyndysy
Basylymda Boqty taýynyń aınalasynda ósimdikterdiń joqtyǵy, sheksiz dalanyń kókjıek pen aspanmen ushtasyp jatýy, al ózi bıikke umtylǵan taýdyń erekshe bederimen jáne aıqyn sılýetimen erekshelenip turatyny aıtylady.
Jýrnaldyń málimetinshe, Boqty taýy sheteldik saıahatshylar úshin Qazaqstannyń tabıǵı keremetteriniń biri jáne elge kelgen kezde mindetti túrde baratyn oryndardyń biri bolyp sanalady. Tabıǵı landshafty, tańǵajaıyp kórinisi jáne basqa álemde júrgendeı áser qaldyratyn bul jer aımaqqa kelgen qonaqtarǵa umytylmas áser syılaıdy.
Buǵan deıin amerıkandyq Washington Post gazetinde Mańǵystaý oblysynyń kórikti jerleri týraly maqala jarıalanǵanyn esterińizge salamyz.
-
Russia closely monitors Armenia's engagement with Western nations, hinting at potential consequences for its membership in the Collective Security Treaty Organization.
-
The unique natural wonder of Bokty Mountain in Kazakhstan has been featured by The Trillionaire Life magazine, captivating its millions of followers.
