Photo: Pixabay (https://www.pexels.com/@pixabay) / Pexels
Mańǵystaýlyq sýretshi «Táýelsizdik urpaqtary» grantynyń ıegeri atandy
Mańǵystaýlyq sýretshi ári kásipker Saǵıra Aǵajanova «Táýelsizdik urpaqtary» respýblıkalyq grantynyń jeńimpazy atandy. Ol «Eco – Art Qazaq» atty avtorlyq jobasyn usyndy.
Bul týraly Infohub.kz aqparat agenttigi habarlaıdy.
Jobanyń ereksheligi
Saǵıra Aǵajanovanyń «Eco – Art Qazaq» jobasy júzdegen ótinimder arasynan úzdik dep tanylyp, 3 mıllıon teńge kóleminde qarjylandyrýǵa ıe boldy. Jobanyń negizgi maqsaty – mata qaldyqtarynan kórkem týyndylar jasaý jáne ekologıalyq mádenıetti nasıhattaý.
Shyǵarmashylyq joly
Saǵıra Aǵajanovanyń aıtýynsha, ónerge degen qyzyǵýshylyǵy bala kezinen bastalǵan, ákesi de sýretshi bolǵan. Ol mata qaldyqtaryn paıdalanyp jasalatyn mundaı shyǵarmashylyq format buryn-sońdy elde qoldanylmaǵanyn atap ótti.
Jobanyń aldaǵy jospary
Joba aıasynda shaǵyn kórmeler men sheberlik synyptary ótkizý josparlanýýda. Bul sharalar tutyný mádenıeti men qorshaǵan ortany qorǵaý máselelerine qoǵamnyń nazaryn aýdarýǵa kómektesedi. Jobany júzege asyrýǵa shamamen tórt-bes aı ýaqyt ketedi dep kútilýde, odan keıin daıyn jumystar qorytyndy kórmede usynylady.
«Táýelsizdik urpaqtary» granty
«Táýelsizdik urpaqtary» granty 2021 jyly Memleket basshysynyń bastamasymen qurylǵan. Baǵdarlama iske qosylǵannan beri 100-den astam jas qazaqstandyq óz jobalaryn júzege asyrýǵa múmkindik aldy. Bıylǵy jyly alty baǵyt boıynsha ótken baıqaýǵa 1700 ótinim kelip túsip, onyń 1622-si qaraýǵa jiberildi.
-
Avıakompanıa Air Astana planırýet vypolnıt chetyre spesıalnyh reısa v Saýdovskýıý Aravıý ı Egıpet, nesmotrá na vremennýıý prıostanovký regýlárnogo avıasoobshenıa.
-
A Mangystau artist has secured a significant national grant to promote environmental awareness through innovative art made from fabric waste.
