InfoHub Logo

Taqyryby: «Maqal - sózdiń máıegi».
Maqsaty:
a) qazaqtyń sóz marjany maqal - máteldi oqytý, oryndy paıdalana bilýdi úıretý;
á) oqýshylardyń sózdik qoryn molaıtý, jurt aldynda erkin sóıleýge baýlý;
b)«Ózge tildiń bárin bil, óz tilindi qurmette» qaǵıdasynda tárbıeleý.
Kórnekilik quraldar: slaıd, kitap kórmesi, naqyl sózder, qosymsha materıaldar.

Synypta bizdiń tynyshtyq,
Estilmeıdi dybys túk.
Muny bizde qoshtaımyz,
Keshikkendi tospaımyz.
Qyzyqty, ári mańyzdy,
Saıysymyzdy bastaımyz. (psıhologıalyq ahýal)

Qurmetti ustazdar, oqýshylar! Búgin biz sizdermen oblystyq «Qyzyǵa oqytý» atty áleýmettik - pedagogıkalyq jobany iske asyrý boıynsha josparlanǵan «Maqal - sózdiń máıegi» taqyrybynda saıys ótkizgeli otyrmyz.
Maqal - máteldi bilmeıtin oqýshy joq dep aıtýǵa bolady, óıtkeni maqal - máteldi sender mektepke kelgeli bastap úırenesinder. Maqal men mátelder aýyz ádebıetiniń eń baıyrǵy, eń kóne túri. Ol ǵasyrlar boıy halyqtyń uqypty saqtap kelgen eńbek tájirıbesiniń jıyny, oı pikiriniń túıini, ańsaǵan asyl armanynyń arnasy, ómir tirshiliginiń aınasy, atadan - balaǵa qaldyryp kele jatqan tozbaıtyn, tot bastaıtyn, ómirlik óshpes murasy. «Óner - aldy qyzyl til», «Sóz kórki - maqal» degen ataly sózder bar. Maqaldyń kómegimen aıtaıyn degen oıyndy unamdy da, utymdy jetkizýge bolady. Maqal - máteldi kóp bilip, kóp qoldanatyn adamdardyń tilderi sheshen, aqyly kórkem bola túsedi. Olaı bolsa, saıysymyzdy bastaıyq!

Ádil - qazylar alqasymen tanystyrý.
1.
2.
3.
Aldaryńyzda eki top otyr.
1 top -
2 top -
Top basshylary: 1) Azamat
2) Aıbar

1 bólim. «Maqal - mátelder» saıysy. Kez - kelgen taqyrypta maqal - mátelder aıtylady. Top músheleri tolyq qatysýy qajet. Maqal - mátel qaıtalanbaý kerek. Ádilqazylar eseptep otyryńyzdar.
2 top basshysyna tapsyrma 15 maqaldan aıtý kerek.
2 bólim. «Bilimdi bolsań bıikke shyǵarsyń». Maqaldar boıynsha suraq qoıý, tolyq jaýap berý kerek. Ár topqa 6 maqal.
1) Ónerli bala qandaı? (súıkimdi)
2) Jasy kelse nege? (iske)
3) Ótirikshi kimdi aldaıdy? (ózin - ózi)
4) Yrys aldy ne? (yntymaq)
5) Ónerliniń qoly qandaı,
Óleńshiniń sózi qandaı? (altyn)
6) Qoryqqanǵa ne kóriner (qos)

1) Dos basqa qaraıdy, al dushpan she? (aıaqqa)
2) Beınet túbi ne? (zeınet)
3) Erdi ne óltiredi? (namys)
4) Ananyń súti qandaı, balanyń tili qandaı? (baldaı)
5) Jaqsy sóz qandaı yrys? (jarym)
6) Shynshyl adam qandaı? (shyraıly)

3 bólim. «Sóz tapqanǵa qolqa joq». Bul kezeńde turaqty sóz tirkesiniń maǵynasyn túsindirý.
1) Barmaǵyn shaınap qalý - ókiný.
2) It ólgen jer - alys.
3) Júregi tas tóbesine shyqty - qoryqty.
4) At qulaǵynda oınaıdy - atqa jaqsy otyrady.
5) Tóbesi kókke jetti - qýandy.
6) Qoıan júrek - qorqaq.
7) Beti búlk etpeıdi - uıalmaıdy.
8) Saly sýǵa ketti - unjyrǵasy túsip ketti(kóńil kúıi joq).
9) It tumsyǵy ótpeıdi - qalyń(ný).
10) Aýzyna aq ıt kirip, qara ıt shyqty - balaǵattady(urysty)