InfoHub Logo

Sabaqtyń taqyryby: «Jalań jáne jaıylma sóılem».
Sabaqtyń maqsaty:
a) bilimdilik – oqýshylardyń sóılem, sóılem músheleri, jaı sóılem týraly bilimderin keńeıtý, ótilgen jaqty jáne jaqsyz sóılemdi pysyqtap kelesi túri jalań jáne jaıylma sóılemdi, onyń jasalý erekshelikterin meńgertý, sıntaksıstik taldaý daǵdylaryn jetildirý;
Tárbıelik – shákirtterdiń oqýǵa degen sanaly kózqarastaryn arttyrý, ujymdyq iskerlikterin ushtaý, deńgeılep – saralap oqytýda oqýshy boıyndaǵy adamgershilik qundylyqtardy jetildirý, qoǵamdyq ortaǵa ıkemdi jeke tulǵany qalyptastyrý;
Damytýshylyq – jumysty túrlendirý barysynda deńgeılik tapsyrmalar oryndaýda oqýshylardyń belsendilikterin arttyrý, shyǵarmashylyqqa baýlý, sózdik qorlaryn baıytý;
Sabaqtyń tıpi: jańa sabaqty meńgertý
Sabaqtyń túri: damyta oqytý (saıys sabaq)
Sabaqtyń ádisi: túsindirmeli kórnekilik ádisi, ishinara izdendirý, suraq – jaýap, baıandaý, reprodýktıvtik, praktıkalyq ádis, esse, bes joldy óleń, deńgeılik tapsyrmalar.
Kórnekiligi: «Bolashaqtyń qalasy» kórsetilgen plakat, úlestirmeli paraqtar, tirek syzbalary, deńgeılik tepsyrmalar, 8 - synyptyń qazaq tilinen dıdaktıkalyq materıaly, kesindileri, Abaı óleńi jazylǵan plakat.
Tehnıkalyq qural: kadoskop.
Pánaralyq baılanys: ádebıet, orys tili, aǵylshyn tili.

Sabaqtyń júrý barysy:
İ. Uıymdastyrý. a) sálemdesý.
á) túgendeý.
b) barlyq zeıinderin sabaqqa aýdarýlaryn talap etý, topqa bólý.

İİ. Úı tapsyrmasyn tekserý: jaqsyz sóılem. «Kim bolam?» taqyrybyna esse.

İİİ. Jańa sabaq. Muǵalim: Iá, balalar, jarqyn bolashaqtyń ıeleri sizdersizder, «bolashaq búginnen bastalady» deımiz, ıaǵnı biz bolashaq ómirdiń «tutqasyn» ustaıtyn azamattardy tárbıelep otyrmyz. Jańa ǵasyr azamaty rýhy bıik, sanaly, tártipti, jaýapkershiligi myqty, aqyldy, bilimdi, talap qoıǵysh bolýy kerek.
Júrekte qaırat bolmasa,
Uıyqtaǵan oıdy kim túrtpek?
Aqylǵa sáýle qonbasa,
Haıýansha júrip kúneltpek, - dep Abaı atamyz jyrlap ketken eken. Osy óleńmen úndesip keletin Abaıdyń neshinshi qara sózin bilesizder?

Oqýshy: On jetinshi qara sózinen.
Muǵalim: Taqtadaǵy sýret osy negizde qurylǵan. Kim osy sýretti túsindirip bere alady?

Oqýshy: Abaı atamyz «aqyl, qaırat, júrek úsheýiń basyńdy qos, báriń júrekke bılet» degen bolatyn. Aqyl arqyly qaıratqa da, júrekke de jylý taraıdy. Ózbettilik, tereńdik, keńdik, erkindik, aıqyndyq, shapshańdyq aqyldan taraǵan shýaq sekildi.

Muǵalim: Olaı bolsa, balalar sol «Bolashaqtyń qalasyna» jetý úshin aqyl synyna túsesizder.
Sabaq ary qaraı aqyldyń túrleri boıynsha jalǵasady. Synyp eki topqa bólinip, saıysqa túsedi. Syn 5 kezeńnen turady.

1 - kezeń. Aqyldyń ózbettiligin synaý.
a) Sóılemge satylaı keshendi taldaý jasaý. 2 toptyń 2 oqýshysy taqtada jumys isteıdi.
1) Táýelsizdik tiregi – bilimdi urpaq
Habarly, jaı, jaqty sóılemder.
Tiregi – urpaq (esimdi tirkes, ıntonasıa arqyly, qıysý).
Bilimdi urpaq (esimdi tirkes, oryn tártibi, qabysý anyqtaýyshtyq qatynas)
Táýelsizdik tiregi (esimdi, matasý, jalǵaý arqyly, anyqtaýyshtyq qatynas)
2) Bul ómirden jylap ketkim kelmeıdi!
Lepti, jaı, jaqsyz sóılem.