InfoHub Logo

Belgili ánshi Maqpal Júnisova týǵan kúnin otbasy men jaqyndarynyń ortasynda atap ótti. Merekelik keshte qyzy Mereı Zamanbekqyzy anasyna gúl shoǵyn usynyp, júrek tebirenterlik tilegin arnady.

Bul týraly Infohub.kz aqparat agenttigi habarlaıdy.

Mereıdiń anasyna arnaǵan tilegi

Mereı anasyna degen sheksiz súıispenshiligin bildirip, bolashaqta turmysqa shyǵyp, bala súıgenin kórgisi keletinin aıtty. "Janym, mamam, árdaıym janymda bol. Erteń, Alla qalasa, men de turmysqa shyǵyp, bala súısem, sonyń bárine kýá bolyp júr. Nemereńdi baýyryńa basyp, qasymda ádemi áje bolyp júrseń – men úshin eń úlken baqyt sol. Seni qatty jaqsy kóremin. Maǵan sendeı ana bergen Allaǵa myń alǵys", – dedi Mereı.

Bul áserli sát jeli qoldanýshylarynyń da nazaryn aýdardy. Kópshilik Mereıdiń anasyna degen qurmeti men tárbıesine tánti bolyp, jyly lebizderin bildirdi.

"Tilegi qabyl bolsyn", "Alla armandaryńdy oryndasyn", "Ana men qyzdyń arasyndaǵy baılanys erekshe", – dep jazdy oqyrmandar.