InfoHub Logo

Oraza aıyndaǵy qaıyrymdylyq sharasy jurtshylyqty eleń etti. Belgisiz bir azamat, betperde kıgen kúıi, 30 otbasyǵa jańa páterdiń kiltin tabystap, shamamen bir mıllıon dollarǵa jýyq qarajatty qaıyrymdylyqqa jumsady. Bul ıgi is kópshiliktiń nazaryn aýdaryp, «Maskadaǵy adamnyń» kim ekeni týraly san alýan pikirler týyndady.

Bul týraly Infohub.kz aqparat agenttigi habarlaıdy.

Kimge uqsatyldy?

Ánshi Merýert Túsipbaeva Instagram paraqshasynda bul oqıǵany bólisip, «Oraza aıynda betperdedegi jigit 30 otbasyna 30 páter syılady. Osy jigit kim? Qalaı oılaısyz?» dep jeli qoldanýshylaryna saýal tastady.

Jelidegilerdiń bir bóligi bul qaıyrymdylyqty álemge tanymal ánshi Dımash Qudaıbergenniń jasaǵan isi bolýy múmkin degen boljam aıtty. «Dımash», «Bizdiń Dımash qoı», «Dımash sıaqty» degen pikirler kóptep kezdesti. Tipti keıbiri Dımash Qudaıbergenniń týystary arqyly osyndaı ıgi is jasap jatqan shyǵar degen de joramaldar aıtyldy.

Al ekinshi bir toptyń pikirinshe, betperde kıgen azamattyń kelbeti tanymal ánshi Sáken Maıǵazıevke qatty uqsaıdy eken. «Bul Sáken Maıǵazıev qoı», «Sákenge qatty uqsaıdy eken» degen jazbalar da jelide tarady.

Qaıyrymdylyqtyń ıegerleri

Aıta keteıik, bul qaıyrymdylyq sharasy aıasynda kópbalaly otbasylar, múmkindigi shekteýli jandar jáne asyraýshysynan aıyrylǵan azamattar baspanaly boldy. Jańa páterler tolyq daıyn kúıde tabystaldy.

Bul oqıǵaǵa qatysty tanymal akter Almat Saqatov ta óz pikirin bildirgen edi. Ol «Maskadaǵy adam» atanǵan blogerdiń kim bolýy múmkin ekendigi týraly suraqqa jaýap berip, el estimegen jańalyqtardy aıtqan bolatyn.