InfoHub Logo

Taqyryby: «Maýjyraǵan qońyr kúz»
Maqsaty: 1) Kúz mezgiliniń adam ómirindegi alatyn oryn belgileı otyryp, tabıǵat qubylystarynyń ózgeristeri, adamdardyń eńbegi týraly bilimderin tolyqtyrý;
2) oqýshylardyń izdenimpazdyǵyn, estetıkalyq talǵamyn, mánerlep sóıleý daǵdylaryn damytý;
3) balalardy ásemdikke, shyǵarmashylyqqa, ujymshyldyqqa, jańany ashýǵa tárbıeleý.
Ádisteri: áńgimelesý, oıyn, toptyq jumys, jarys, tapsyrma.
Kórnekiligi: plakattar, sýretter, jumbaqtar, oıyndarǵa qajet quraldar, úntaspa, teledıdar.

Barysy:
Muǵalim: Armysyzdar, qurmetti kórermender! Búgingi bizdiń «Maýjyraǵan qońyr kúz» atty merekemizdi saltanatty túrde ashyq dep jarıalaımyz.
Máýe pisip balbyrap,
Maýjyraǵan qońyr kúz.
Alma pisip albyrap,
Kózdi tartqan kórińiz, - degendeı, kúz mezgili óte ásem de tamasha mezgil. Endeshe búgingi bizdiń qońyr kúzge arnalǵan ertegimizdi qabyl alyńyzdar.

Erte, erte, ertede,
Eshki júni bórtede
Qyrǵaýyl júni qyrǵı eken,
Quıryq júni uzyn eken.
Jyl mezgilder patshalyǵynda
Kúz hanshaıymy bolǵan eken.
Hanshaıym: Ýázirler qaıdasyńdar? Tez kelýlerińdi buıyramyn!
Meńdibek ýázir: O. Uly hanshaıym, aıtqan buıryǵyńdy oryndaýǵa daıynbyz.
Hanshaıym: men estip jatyrmyn mynadaı sybysty: basqa patshalyqtarda kúz mezgilin kóńilsiz, muńdy etip sanaıdy eken.
Ýázir M: kim aıtty bundaıdy?
Ýázir E: jalǵan, olaı emes!
Ýázir A: kúz – eń tamasha mezgil dep sanaımyn.
Hanshaıym: Endeshe úlken toı jasap, kúz mezgiliniń qandaı tamasha ekenin kórseteıik barshaǵa. Al kánekeı, ýázirler, shaqyryńdar balarymdy.
Eki ýázir dańǵyra oınap turady.
Ermek ýázir: Habarlandyrý! Jyl mezgilderi patshalyǵynda ómir súretin barsha jurtty hanshaıym saraıyna «Kúzgi balǵa» shaqyramyz!
Qyrkúıek: Armysyń, anashym! minekeı sizdiń habarlandyrýyńyzdy estip, óz aýylymnyń turǵyndaryn ertip keldi. Qarsy alyńyzdar!
Qazan: Sálemetsiz be, anashym! patsha saraıynda «Kúzgi bal» merekesi bolatynyn estip, men de óz aýylymnyń turǵyndarymen keldim.
Qarasha: Sálemetsińbe, anashym jáne súıikti baýyrlarym. Minekeı sender óz turǵyndaryńmen kelipsińder. Endeshe meniń de aýylymnyń turǵyndaryn qarsy alyńdar!
Hanshaıym: Búgingi bizdiń osy saraıda jınalýymyzdyń sebebi – altyn kúzdi kóńildi, máz - meıram, shattyq kúlkimen toılaý. Endeshe búgingi meıramymyzdy bastaıyq. Ýázirler, senderge osy merekeni uıymdastyrýdy tapsyramyn.
Asqat ýázir: Patshalyǵymyzdyń túkpir - túkpirinen ár túrli aýyldardyń ókilderi jınalyp otyr. Olaı bolsa, qaı aýyl turǵyndary eń tapqyr, eń belsendi, eń kóńildi jáne eń kúshti ekenin saıystar arqyly kóreıik. Daıynsyńdar ma? Endeshe saıysymyzdy bastaıymyz!
Ýázir M: Birinshi saıysymyz – «Tanystyrý». Osy saıysta ár aýyl ózin tanystyrady. Barlyq turǵyndar qatysady.
Ýázir E: Ekinshi saıysymyz – «Myń bir maqal, júz bir jumbaq». Bul saıysta maqal - mátelder aıtylyp, jumbaqtar jasyrylady.
Eń aldymen maqal - mátelderdiń jalǵasyn tabý qajet. Buǵan ár aýyldan úsh adamnan qatysady.

● Maqal - mátelder

1. Ekseń egin,............
(ishersiń tegin)

2. Eńbek túbi – bereke,.......
(Kóptiń túbi – mereke)

3. Arpa, bıdaı, as eken,........
(Altyn, kúmis tas eken)

4. Jerdiń sáni – egin,.......
(Erdiń sáni – bilim)

5. Egindikti kúz sýar,...........
(Kúz sýarsań, júz sýar)

6. Eki qoshqardyń basy...........
(Bir qazanǵa syımas)

7. Eginniń jaıyn ekken biler,.....
(Arbanyń jaıyn jekken biler)

8. Eńbek etpeseń, elge ókpeleme,...........
(egin ekpeseń, jerge ókpeleme)

Qostanaı oblysy, Qarabalyq aýdany,
Órnek negizgi mektebiniń bastaýysh synyp muǵalimi
Erjanova Bahytkúl Tólemisqyzy

Tolyq nusqasyn júkteý