Maýqaı qý týraly
El rasynda Maýqaı Toǵaıbaıuly degen adam bolǵan. Ony «Maýqaı qý» dep ataıdy. Óziniń qýlyǵymen osy óńirge ataǵy shyqqan adam edi. Jas kezimde talaı kórgenbiz. Bizdiń úıge de kelip, talaı qonaq bolǵan adam. Ol kezderi jas bolyp talaı aıtylǵan sózderge nazar aýdarmappyz ǵoı...
Jaryqtyq óte sheshen adam edi. Bul Maýqaıdyń atasy Keldibekten taraǵany altaý edi. Eń úlkeni Qazybek, odan keıingiler: Sádibek, Bódene batyr, Asan, Balapan, Úsen. Al Maýqaıdyń ata-tegi osy — Asan. Endi Maýqaı qý týraly buryndary aıtylatyn áńgimeler óte kóp edi. Qazir qartaıǵandiki me, kóbin umytyp qalǵan ekem. Senderge biletinimdi aıtyp kóreıin.
«Bir joly Maýqaı Abaı aýlyna keledi eken. Ol kezde Maýqaıdyń orta jasqa kelip, aqyl toqtatqan kezi eken. Sodan Abaı úıiniń aldyna kelip, at basyn tireıdi. Úıden qyzmetkerleri shyǵyp, attyń basyn baılap, ózin attan túsirip alady. Qyzmetshilerdiń bireýi júgirip kelip, Abaıǵa Maýqaıdyń kelgenin aıtady eken. Sonda Abaı Maýqaıdyń jasy kishi ekenin eskerip, syrtqa shyǵýdy jón kórmeı, teris qarap jatady eken.
Endi úıge kire bergen kezde, Maýqaı kilt tura qalady da:
— Eı, Abaı! Seniń alǵashynda azan shaqyryp qoıǵan atyń Ybyrahym edi. Dúnıeniń tórt buryshyn abaılap tursyn dep Abaı qoıǵan eken. Al sen bolsań Óskenbaı men Qunanbaıdan asa almaı qalǵan ekensiń», — dep aıtypty-mys degen áńgime bar.
You Might Also Like
-
Aýylda, bolysta qyzylbórik bolyp isteıtin áperbaqan bir shabarman aýylǵa jıi kelip, kezdesken adamdardyń bárin jazyqsyz jazǵyryp, eldiń mazasyn ala beripti. Sol aýylda birimen-biri qatty oınaıtyn ek...
-
Maıdan dalasyna jańa kelgen soldat talaı-talaı shaıqasqa túsip shyqqan efreıtordan qalaı soǵysyp júrgenin suraıdy. Sonda efreıtor oǵan basynan keshken bar oqıǵany aıtyp beredi.
