InfoHub Logo

Elge tanymal ánshi Toqtar Serik ónerdegi jaqyn dostary Meırambek Besbaev pen Sáken Maıǵazıevpen qudandaly bolýdan bas tartatynyn málimdedi. Bul týraly ánshiniń ózi aıtyp berdi.

Bul týraly Infohub.kz aqparat agenttigi habarlaıdy.

Dostyqtan da artyq qarym-qatynas

Toqtar Seriktiń aıtýynsha, ol Meırambek Besbaevty jaı dos retinde emes, týǵan aǵaıynyndaı kóredi. «Men Meırambekti dosym emes, aǵaıynymdaı jaqsy kóremin. Biz birge óskendeımiz. Eger erteń balalarymyz bir-birine jaqyn bolyp, quda bolamyz dese, men úlken depressıaǵa túsip qalýym múmkin. Sebebi, men Meırambegimdi eshqashan jamandyqqa qımaımyn. Ol men úshin jan-dúnıemniń jartysy sıaqty. Men ony eshnársege qımaımyn, ol menimen týys bolyp ketken», – deıdi ánshi.

Sáken Maıǵazıevpen de balalyq shaqtan beri birge óskenin aıtqan Toqtar Serik, dostarynyń balalary arasynda sezim paıda bolsa qýanatynyn, biraq keıbir jaǵdaılarda múmkin emes dúnıelerge qımaıtynyn jetkizdi. «Men úshin olar et-jaqynym, aǵaıynym. Olar úshin otqa da, sýǵa da túsýge daıynmyn. Qazaqsha aıtqanda, jaýǵa da, daýǵa da bermeımin. Biraq, quda bolaıyn desem, ókpeshil qazaqpyz ǵoı. Bolmashy nársege ókpelep qalsaq, ómirdegi eń qıyn nárse osy. Sol sebepti, dostarymmen tek dos bolyp qalǵym keledi», – dep oıyn aıaqtady Toqtar Serik.

Toqtar Serik – qazaq estradasynyń dara tulǵasy

Toqtar Serik – qazaq estradasynda ózindik qoltańbasy bar, kópqyrly óner ıesi. 1976 jyly Shyǵys Qazaqstan oblysynda dúnıege kelgen ánshiniń tolyq esimi – Toqtar Kádiruly Serik.

Ol tek ánshi ǵana emes, akter, termeshi jáne dombyrashy retinde de tanymal. Shyǵarmashylyǵy kóbine lırıkalyq baǵytta órbip, tyńdarman júregine jyly tıetin týyndylarymen erekshelenedi.

1999 jyly Qazaq ulttyq konservatorıasyn bitirgen Toqtar Serik, shyǵarmashylyq jolynda Meırambek Besbaev, Qaırat Nurtas, Altynbek Qorazbaev syndy tanymal ánshilermen birge jumys istegen.

Ánshiniń eńbegi memleket tarapynan da joǵary baǵalanyp, «Qazaqstannyń eńbek sińirgen qaıratkeri» ataǵyna ıe bolǵan. Sondaı-aq, «Daryn» jastar syılyǵynyń laýreaty. Toqtar Seriktiń óneri ulttyq dástúr men zamanaýı estradany sheber úılestire bilýimen erekshelenedi.