tengrinews.kz
Meksıkada sý astynda qalǵan shahtada 14 kún bolǵan kenshi tirideı tabyldy
Meksıkanyń Sınaloa shtatyndaǵy Santa-Fe kenishinde 25 naýryzda bolǵan apattan keıin 14 kún boıy sý astynda qalǵan Fransısko Sapata Nahera esimdi kenshi tirideı tabyldy. Bul týraly Euronews agenttigi habarlady.
Áskerı súńgýirler men qutqarýshylar kenishtiń sýyn soryp alǵannan keıin kenshige jetken. Meksıka prezıdenti Klaýdıa Sheınbaým bul qutqarýdy «tańǵajaıyp» dep atady.
Apat saldarynan taǵy eki jumysshy qaza tapty, al bir kenshi buǵan deıin tirideı shyǵarylǵan bolatyn. Shahtanyń qurylymyndaǵy aqaýlar sý basýǵa sebep bolǵan degen boljam bar. Apat kezinde 21 kenshi óz betinshe syrtqa shyǵa alǵan.
Eki apta boıy táýlik boıy jumys istegen qutqarýshylar men áskerılerdiń arqasynda aman qalǵan kenshini Mazatlan qalasyndaǵy aýrýhanaǵa jetkizip, arnaıy medısınalyq kómek kórsetti.
Bul oqıǵa Meksıka taý-ken ónerkásibindegi qaýipsizdik normalarynyń saqtalýyna qatysty máseleni qaıta kóterdi. Elde mundaı jazataıym oqıǵalar jıi bolyp turady. Mysaly, 2022 jyly Koaýıla shtatyndaǵy El-Pınabete kenishindegi apattan on kenshi qaza tapsa, 2006 jyly Pasta-de-Konchos shahtasyndaǵy jarylys 65 adamnyń ómirin qıǵan.
-
Rossııskogo ıýmorısta Semena Slepakova podozrevaıýt v ýklonenıı ot ıspolnenıa obázannosteı, predýsmotrennyh zakonodatelstvom ob ınostrannyh agentah.
-
A miner has been miraculously rescued alive after spending two weeks trapped in a flooded gold and silver mine in Mexico, highlighting safety concerns in the industry.
