InfoHub Logo

Aqtóbe oblysy,
Aqtóbe qalasy, №32 mektep - gımnazıasynyń
bastaýysh synyp muǵalimi Mataeva Janar Mahambetıarovna

Dúnıe taný 1 klass
Taqyryby: «Mektebim – qýanyshym»
Maqsaty:
1. Oqýshylarǵa mektep týraly, onyń jumysy, mekteptegi úıirmeler jaıynda túsinik berý. Dostary jaıynda áńgimeletý.
2. Oqýshylardyń oılaý, este saqtaý qabiletterin mektepke degen saǵynysh sezimderin oıatý.
3. Ózderiniń bilim alyp otyrǵan bilim ordasyn qurmetteı bilýge, adamgershilikke tárbıeleý.
Sabaqtyń tıpi: aralas sabaq
Sabaqtyń túri: dástúrli
Ádis-tásilderi: áńgimeleý, túsindirý, suraq-jaýap
Kórnekiligi: slaıdtar, sýretter, mekteptegi jumys túrleri túsirilgen sýretter

Sabaqtyń barysy
İ Uıymdastyrý bólimi
Oqýshylardy sabaqqa uıymdastyrý.
İİ Úı tapsyrmasyn tekserý
- Mektepteginiń bári bizdiki ekenin dáleldeńder.
- Mektepke oqýshylar ne úshin keledi?
- « Mektep – bilim ordasy» degendi qalaı túsinesińder?
Sýretteri boıynsha áńgimeleý.
- « Bilekti birdi jyǵady, bilimdi myńdy jyǵady» degendi qalaı túsinesińder?

İİİ Jańa sabaq
Túsindirý.
- Mektep – balalarǵa bilim beretin mekeme. Onyń basshylary bar. Balalardyń saýatty bolýyna, qazaǵymyzdyń bolashaǵyn oılap, qazaq dalasyna alǵash mektep ashqan Ybyraı Altynsarın.
- Osy ustazymyzdyń qandaı óleńin jatqa bilemiz?
Jatqa suraý
- Jaraısyńdar, bizdiń bilim alyp jatqan mektebimiz qalaı atalady?
(oqýshylarǵa slaıdtan mektep sýreti kórsetiledi)
- Osy mektepke kelerde qandaı kóńil-kúıde bolasyńdar?
- Qýanamyz, qýanyshty kóńil – kúıde bolamyz.
- Olaı bolsa, « Mektebim - qýanyshym» taqyrybyna berilgen mátindi oqıyq.
Muǵalim oqıdy. Oqýshylarǵa oqyta otyryp túsindiriledi.
Mekteptiń syrtqy kórinisi týraly ne delingen?
Dostary jaıynda ne aıtady?
- Óz dostaryń týraly ne aıtar ediń?
Mektebi kimniń atynda eken? (Óz mektebimiz jaıynda aıtylady).
- 1992 jyly Prezıdentimiz N. Á. Nazarbaev issaparmen Aqtóbe qalasyna kelgende, Qazaqstandaǵy tuńǵysh qazaq gımnazıasy №32 gımnazıanyń tusaýyn kesken.
Bıyl mektebimizge 20 jyl tolyp otyr.
- Mektebimizde túrli úıirmeler bar. (Sýretteri kórsetiledi)

Sergitý sáti
Úlkenge de siz ---------------------- Mektebiń – mynaý klasyń
Kishige de siz------------------------- Osynda on jyl turasyń
Barsha jandy qurmettep ------- Tarydaı bolyp kiresiń
Bas ıemiz biz. ----------------------- Taýdaı bolyp shyǵasyń.

Bala quqyǵy týraly konvensıa
- Balalar, dúnıege kelgen ár balanyń óz quqyǵy bar.
Bala quqyǵyn azamattardyń quqyqtary men mindetterin aıqyndaıtyn memlekettiń
negizgi zańy Konstıtýsıa qorǵaıdy.
(Slaıd kórsetiledi)

Mektep erejesimen tanystyrylady.
1. Gımnazıa shákirtteri osy mekteptiń ishki tártip erejelerine baǵynýǵa jáne onyń talaptaryn múltiksiz oryndaýǵa mindetti.
2. Gımnazıa shákirtteri mekteptiń erejesine saı biryńǵaı mektep formasyn kıýge mindetti.
3. Ózi bilim men tárbıe alyp jatqan bilim ordasynyń namysyn qorǵaýǵa mindetti.
4. Árbir oqýshy salaýatty ómir saltyn saqtaýǵa, tańǵy dene jattyǵýlarynan qalmaýǵa mindetti.
5. Sabaqtan sebepsiz qalmaýǵa, keshikpeı kelýge mindetti.
6. Mektepte jáne mektepten tys ýaqytta gımnazıa shákirti degen atqa laıyq bolyp, ana tilin shubarlamaı, taza, kórkem sóıleýge tıis.
Oıyn « Men jaqsy oqýshymyn»
- Men jaqsy oqýshymyn, sebebi sabaqtan keshikpeımin.... (Ár bala óz oıyn aıtyp shyǵady)
Maqal aıtý. Oqý – bilim týraly

İÚ Sabaqty bekitý.
- Búgingi sabaǵymyz ne týraly ótti?
- Mektep ne úshin qajet eken?
- Balany ne qorǵaıdy eken?
- Konstıtýsıa degendi qalaı túsinemiz?
- Mekteptiń qandaı erejesin bildik?
- Oqýshy qandaı bolýy kerek?
M. Maqataevtyń « Mektebim» áni.

Mektebim - aıtar ánim
San ret qaıtaladym
San ret qaıtaladym
Ózińnen alǵanymdy
Ózińe qaıtaramyn.
Mektebim, qıa almaımyn,
Kóp nárse qıaldaımyn
Máńgilik oqýshyń bop
Qalýǵa uıalmaımyn.

Ú. Úıge tapsyrma
« Mektebim – qýanyshym» taqyrybyna shaǵyn áńgime jazý
Úİ. Baǵalaý
Oqýshylardy baǵalaý, madaqtaý.