InfoHub Logo

Baǵyty: Azamattyq - patrıottyq, quqyqtyq jáne polımádenıettik tárbıe
Taqyryby: «Mektep erejesin saqtaıyq!»
Maqsaty: Oqýshylardy bilimge degen qushtarlyǵyn, izdenimpazdyǵyn, bilim deńgeıin tekserý. Oqýshylardyń teorıalyq oılaýyn, sóıleý tilin damytý.
Oqýshylardyń uıymshyldyqqa, dostyqqa, adamgershilikke tárbıeleý.
Kórnekiligi: sýretter, slaıd.

Jospary:
İ. Kirispe
«Bilim kerek bárine!»
İİ. Oqýshy anty
Oqýshy erejesi
Oqýshynyń sabaqtaǵy mindetteri
İİİ. Kórinis «Kim kináli?»
İV. Ozyq oıly oqýshy
V. Qorytyndy

Muǵalim: «Bilimdi, tárbıeli urpaq - el keleshegi» demekshi, oqýshylar, búgingi jıynymyzdyń taqyryby: «Mektep erejesin saqtaıyq!». Iaǵnı senderdiń mektepke kelgendegi maqsattaryń bilim alý.
Bilim - tárbıeleý men oqytýdyń úzdiksiz úrdisi. Bilim arqyly adamdardy, aınala ortany, ǵaryshty, álemdi tanısyńdar, óz tabystaryńdy, jetistikterińdi kórsete alasyńdar, qoǵamǵa qyzmet etesińder. Egemendi elimizdiń bolashaǵy - bilimdi urpaq. Al ol úshin bilim qajet. Qazir sender jassyńdar jáne tolyq múmkindikteriń bar. Sondyqtan da tynbaı eńbektenip bilim alýlaryń kerek.

İ. «Bilim kerek bárine!»
Muǵalim: Oqý bilim bulaǵy – bilim ómir shyraǵy. Oqý arqyly adam boıynda bilim jınaqtalady. Oqý bilimniń bulaq kózi bolyp tabylady. Shyraq barlyq ýaqytta da aınalaǵa nur sáýlesin shashyp turady. Sender de bilimdi bolsańdar, ómirde shyraq sıaqty jarqyraısyńdar! Mektep, oqý, bilim týraly oqýshylardyń óleń - taqpaqtaryna kezek bereıik!

1.
Mektep qamqor anamyz,
Oqyp, bilim alamyz
Ónerpaz bop ósetin,
Biz oqýshy bolamyz!
Mektep anam búginde,
Mektep altyn bosaǵam
Mektep bergen bilimmen,
Marqaıady jas ulan.

2.
«Kitap bilim bulaǵy,
Bilim ómir shyraǵy»-
Osy maqal mánisi
Qalaı?- dep inim surady.
Bolǵyń kelse bilimdi,
Kitappen dostas máńgilik
Jadynda bilim jańǵyryp
Oıatar sana sezimdi
Tanyrsyń jatty, ózińdi
Asharsyń sóıtip kózińdi.

3.
Alaqaı - aý, Alaqaı!
Alaqaı - aý, Alaqaı!
Budan bylaı men endi,
Emespin jaı balaqaı
Osydan da kólemdi,
Oqı alam óleńdi.
Bardym men mektepke.
Oqýshymyn men endi!

4.
Korabldi basqaryp,
Kók júzinde samǵasam.
Taýdy buzyp tas jaryp,
Muhıttardy jalǵasam.
Tabyndyrar bar eldi,
Ǵajap elder sala alsam
Jasartatyn ájemdi,
Dári oılap taba alsam.

İİİ. Oqýshy anty
- Men Qazaqstan azamaty, súıikti Otanym Qazaqstannyń dúnıe júzindegi aldyńǵy qatarly ádiletti, órkenıetti el bolý úshin sapaly bilim alamyn.
Týǵan halqymnyń ata - dástúrin jalǵastyramyn. Memleketimniń Prezıdentin qurmetteımin. Ata Zańdy buljytpaı oryndaımyn.
Elimniń týyn, Ánuranyn ana tilin keleshekke joldama beretin Altyn uıa mektebimizdi syılap, qasterleımin, - dep ant etemin.