Photo: Pixabay (https://www.pexels.com/@pixabay) / Pexels
Mektep oqýshylarynyń ázili muǵalimniń ólimine ákep soqty
AQSH-tyń Djordjıa shtatynda mektep oqýshylarynyń ázili qaıǵyly jaǵdaımen aıaqtaldy. Oqıǵa saldarynan matematıka pániniń muǵalimi Djeıson Húz kóz jumdy.
Bul týraly Infohub.kz aqparat agenttigi habarlaıdy.
Ázildiń sońy ólimmen aıaqtaldy
The New York Post basylymynyń málimetinshe, bes jasóspirim muǵalimniń úıine kelip, ázil retinde onyń aýlasyna dárethana qaǵazyn laqtyryp ketken. Muny baıqaǵan muǵalim úıinen shyǵyp, oqýshylardy toqtatpaq bolǵan.
Sol kezde jasóspirimder kólikterine otyryp, oqıǵa ornynan ketpek bolady. Osy sátte Húz súrinip, jolǵa qulap qalǵan. Sol mezette kólikterdiń biri ony basyp ketken.
Jasóspirimder qamaýǵa alyndy
Oqıǵaǵa qatysqan jasóspirimder jedel járdem kelgenshe muǵalimge alǵashqy kómek kórsetken. Alaıda ol aýyr hálde aýrýhanaǵa jetkizilip, kelesi kúni júregi toqtap qalǵan.
Qazirgi ýaqytta oqıǵaǵa qatysy bar mektep oqýshylary ustalyp, olarǵa birneshe bap boıynsha aıyp taǵylǵan. Sonyń ishinde jeke menshik aýmaqqa zańsyz kirý deregi de bar. Qatysýshylardyń biri 1950 dollar kepildikpen bosatylǵan.
Otbasy qazaǵa ushyrady
Qaıtys bolǵan Djeıson Húzdiń artynda otbasy qaldy. Onyń jubaıy da matematıka pániniń muǵalimi, erli-zaıyptylardyń eki balasy bar.
-
Sınoptıkter 10-11 naýryzda birneshe óńirde temperatýranyń kúrt tómendeıtinin habarlady.
-
A harmless prank by five teenagers turned fatal for a math teacher in Georgia, USA, resulting in his death and their arrest.
