Memleket jekemenshik mektepterdiń bastaýysh synyp oqýshylaryn tegin tamaqtandyrýǵa 12 mlrd teńgeden astam qarjy bóldi
Memleket jekemenshik mektepterdiń bastaýysh synyp oqýshylaryn tegin tamaqtandyrýǵa 12 mlrd teńgeden astam qarjy bóldi,dep jazady Infohab.
2024 jyldan bastap jekemenshik mektepterde oqıtyn áleýmettik osal otbasylardyń 1-4 synyp oqýshylary tegin ystyq tamaqpen qamtylady. Bul týraly Prezıdent 30 jeltoqsanda bilim jáne bala quqyqtaryn qorǵaý máseleleri jónindegi jańa zańǵa qol qoıǵannan keıin belgili boldy.
Jańa bastama 25 myńnan astam balany qamtıdy, ony iske asyrýǵa jergilikti búdjetten 12 mıllıardtan astam teńge bólindi. Sonymen qatar, «Jalpyǵa birdeı bilim berý» qorynyń kómegi jekemenshik mektep oqýshylaryna da qoljetimdi bolady — buryn bul tek memlekettik mektep oqýshylaryna arnalatyn.
QR Oqý-aǵartý mınıstri Ǵanı Beısembaevtyń aıtýynsha, bul shara áleýmettik osal otbasylardyń barlyq balalaryna teń múmkindikter jasaýǵa baǵyttalǵan mańyzdy qadam.
Aıta keteıik, 2023 jyldyń qyrkúıeginen bastap memlekettik mektepterde 1,7 mıllıonnan astam oqýshy tegin ystyq tamaqpen qamtamasyz etilgen. Sonymen birge, «Jalpyǵa birdeı bilim berý» qory aıasynda 510 myń oqýshy qural-jabdyqtarmen qamtyldy, oǵan qosymsha 22,5 mlrd teńge bólindi.
You Might Also Like
-
Túrkistan oblysy polısıa departamentiniń bastyǵy Murat Qabdenov óńir turǵyndarymen kezdesip, quqyq qorǵaý organdarynyń 2025 jyldyń alǵashqy aılaryndaǵy jumys nátıjelerin tanystyrdy.
-
Májilis depýtaty Marat Bashımov jemqorlyqpen kúresti kúsheıtý maqsatynda Bas prokýratýraǵa jańa usynys joldady. Ol boıynsha, sheneýnik óz tabysynyń zańdy jolmen kelgenin dáleldeı almasa, memleket onyń ...
