Tengrinews.kz / Marjan Kýandykova
Memlekettik kómekke ótinish bergenderdiń barlyǵy ıe bolady degen jalǵan aqparat: Eńbek mınıstrliginiń jaýaby
Áleýmettik jelilerde jáne keıbir BAQ-ta "barlyq qazaqstandyqtarǵa ótinish bergeni úshin áleýmettik kómek avtomatty túrde taǵaıyndalady" degen jalǵan aqparat tarady. QR Eńbek jáne halyqty áleýmettik qorǵaý mınıstrligi bul málimetti joqqa shyǵardy.
Mınıstrliktiń baspasóz qyzmetiniń habarlaýynsha, áleýmettik kómek – bul memlekettik qoldaýdyń naqty bir sharasy. Ol tek ómirlik qıyn jaǵdaıǵa tap bolǵan, sondaı-aq belgilengen muqtajdyq krıterıılerine sáıkes keletin azamattarǵa ǵana beriledi.
«eGov portaly arqyly ótinish berý – bul áleýmettik kómekke júginýdiń bir tásili ǵana jáne onyń avtomatty túrde taǵaıyndalýyna kepildik bermeıdi», - dep atap ótti mınıstrlik.
Kómek alýshylardyń sanattary, ony berý sharttary jáne qajetti qujattardyń tizimi ákimdiktermen ár óńirde jeke bekitilip, resmı saıttarda jarıalanady. Barlyq túsken ótinishterdi ákimdikter belgilengen tártippen qaraıdy.
Mınıstrlik jalǵan aqparat taratqany úshin zań boıynsha jaýapkershilik qarastyrylǵanyn eske salyp, azamattardy tek resmı derekkózderge senýge shaqyrdy.
-
Naznachen novyı generalnyı dırektor TOO «Bolashak Opereıtıng», 100% docherneı organızasıı AO «KazMýnaıGaz».
-
Kazakhstan's Ministry of Labor clarifies that social assistance is not automatically granted to all applicants, emphasizing specific eligibility criteria.
