InfoHub Logo

Taqyryby: Men oqýshy atandym!
Maqsaty: Mektep, bilim, alǵashqy qońyraý uǵymdarynyń maǵynasyn túsindirý. Bilim alýdyń qajettiligin uǵynýlaryna jaǵdaı týǵyzý. Bir - birimen, synyppen, muǵalimmen tanystyrý.
Kórnekiligi: Áripter jazylǵan gúlder, taqtaǵa ilingen sózder:«Oqý - bilim bulaǵy, Bilim - ómir - shyraǵy», «Mektep - keme, bilim - teńiz», «Mektebiń mynaý - klasyń, Osynda on jyl turasyń, Tarydaı bop kiresiń, Taýdaı bolyp shyǵasyń!». Synyp ishi sharlarmen, gúldermen bezendirilgen.

Muǵalim:
- Mektep tabaldyryǵyn attaǵan kishkentaı ǵana búldirshinderim. Qadamdaryńa gúl bitsin.
Bilim álemine qosh keldińizder.
Aıqara ashqan esigin
Qaınary bilim nurynyń
Mektebiń altyn besigiń
Jyly uıań, mine synybyń.
Mine osy synypta sender 4 jyl boıy bilim men tárbıe alasyńdar.
Al endi Bilim kúnine arnalǵan alǵashqy sabaǵymyzdy bastaıyq. Búgingi sabaqqa senderge ertegiler elinen qonaqtar kelip otyr. Olar batyr jigit Ertóstik pen aıdaı sulý Aısulý qyz. Endeshe aldymen ózimizdi osynda kelgen qonaqtarymyzǵa tanystyraıyq.
- Taqtada áripter jazylǵan gúlder ilingen jáne ústelde aqyldy, ajarly, armanshyl, adal, bilimdi, kóńildi, ádepti, eńbekqor, eńbekqumar, elgezek, eljandy, namysshyl, jaıdary, tártipti, tárbıeli, raqymshyl, daryndy dep jazylǵan qaǵazdar daıyndalǵan.
- Kimniń aty A árpinen bastalady?
Taqtaǵa Aıdyngúl shyǵyp óziniń árpi jazylǵan gúldi jáne osy áripten bastalǵan sózdi tańdap alady da taqta aldynda osy árip pen sózdi aldyna ustap turady. Sonda
A ıaǵnı Aıdyngúl - aqyldy
Osylaısha barlyq balalar taqtaǵa shyǵyp turǵansha jalǵasady. Muǵalim taǵy bir ret daýystap árqaısysy jaıly oqyp beredi.
Aıdyngúl - aqyldy, Aqjan - ajarly, Amırjan - armanshyl, Aıaýlym - adal, Bekzat - bilimdi, Kúlsinaı - kóńildi, Ádiljan - ádepti, Ernar - eńbekqor, Eldar - eńbekqumar, Elik - elgezek, Erkejan - eljandy, Nazerke - namysshyl, Janerke - jaıdary, Tomırıs - tártipti, Tahmına - tárbıeli, Rıza - raqymshyl, Danıar - daryndy.
- Óte tamasha. Barlyǵymyz búgingi oqýshy atanǵan balalarmen tanys boldyq. Endi oryndaryńa otyrýlaryńa bolady.
- Alendi sabaǵymyzǵa kóshelik.
- Balalar bizdiń elimiz qalaı atalady?
- Qazaqstan.
- Myna sýretter boıynsha kim áńgimelep bere alady?
( eltańba, tý, Elorda týraly balalar biletinderin aıtady, muǵalim tolyqtyrady.)
- Óte jaqsy.
- Káne Otan, el, týǵan jer týraly kim óleń oqyp bere alady?

Qazaqstan - Otanym
Týǵan jerim kıelim
Arttyryp dańqyn, ataǵyn
Týyna bas ıemin
Qurmetteımin jerimdi
Ózen - kólin, nýyn da.
Qasterleımin elimdi
Ánuranyn týyn da
Otandy biz atameken
Dep aıalap ataımyz
Óıtkeni ony meken etken
Babamyz ben atamyz.
Altyn dándi dalasy bar
Aq kúmisteı qalasy bar
Netken sulý, netken kórkem!
Osy meniń týǵan ólkem!
- Bárekeldi! Jaraısyńdar!
- Osyndaı táýelsiz elimizdiń sender sıaqty talaı búldirshinderi búgin mektep partasyna otyryp oqýshy atandy.
- Al sender mektepke ne úshin keldińder?
- bilim alý úshin, jazý úshin, oqyp úırenýge, sýret salýdy úırenýge t. b.
- mektepke barý úshin qandaı oqý quraldary qajet ekenin bilesińder me? Ol týraly sendermen Ertóstik oıyn ótkizgisi keledi. Ertóstiktiń sandyǵynda túrli zattar bar. Qazir men bir - birlep osy zattardy alamyn. Eger osy zat oqý quraly bolsa shapalaqtaısyńdar, al basqa zat bolsa úndemeısińder.
- Bárekeldi balalar. Ertóstik senderge óte rıza. Oqý quraldaryn túgel tanıdy ekensińder
- Búgin senderge kelgen Aısulý da qur qol kelmegen eken. Aısulý senderge óziniń jumbaqtaryn ala kelipti. Jumbaqty sheshý úshin aldymen myna Aısulýdyń qorjynan qajet tapsyrmany alamyz. Sosyn ony sheshemiz.
Jumbaqtar
Bilimnen mol syı - asy,
Balǵyndardyń uıasy. (Mektep)

Bilimniń jol basshysy,
Shákirttiń qolbasshysy. (Muǵalim)

Shákirtke janashyr,
Meıirman kim, jany asyl? (Ustaz)

Ushymen qazyq
Tor kózdi jazyq.
Ústine óttim,
Asyl sóz jazyp. (Dápter)

Kishkene qudyqtan,
Naıza ushty shybyǵym,
Sý iship qunyqqan. (Sıasaýyt)

Qysqa taıaq dińi bar,
Shıyrlaǵan izinde
Saırap turar tili bar. (Qaryndash)

Til joq ózinde,
Sózi bar izinde. (Qalamsap)

Aqmola oblysy, Ereımentaý aýdany, Novomarkovka aýyly
bastaýysh synyp muǵalimi Qaıyrbekqyzy Dınara

Tolyq nusqasyn júkteý