InfoHub Logo

Men qazaqtyń qyzymyn (qyz syny baıqaýynyń senarıi)

1 júrgizýshi: Alına
2 júrgizýshi: Aıaýlym
Alına. Sálemetsizder, qadirmendi qonaqtar, qurmetti ustazdar, aıaýly analar, myń buralǵan arý qyzdar. Shuǵylaly kóktemniń alǵashqy merekesi – 8 naýryz Halyqaralyq áıelder kúni meıramymen shyn júrekten quttyqtaımyz. Osynaý jarqyn merekeniń bizdiń barlyq úmitterimiz ben armandarymyzdy tyǵyz baılanystyratyn kóktemniń alǵashqy aıynyń basynda kelýi, jaqsylyqtyń nyshany bolsa kerek. Qashannan bergi dástúrimiz boıynsha biz bul kúni Sizderge – analarymyz ben apa - sińlilerimizge, qyzdarymyzǵa eń ystyq quttyqtaýlarymyz ben eń izgi tilekterimizdi joldaımyz

Aıaýlym. Armysyń, óner súıer asyl halqym,
Mereke qutty bolsyn aýyldasym.
Taǵy da kelip jetti saıysymyz
Jyrlaıtyn qazaǵymnyń dástúr saltyn.

Búgingi ótkizilip otyrǵan baıqaýymyzda «Men qazaqtyń qyzymyn» dep tegin ataǵan joqpyz. Elimizdiń erteńi myna urpaqtyń qolynda. Búgingi ul – erteńgi áke, búgingi qyz erteńgi ana. Sol sebepten ultymyzdyń salt - dástúrin, ádet - ǵurpyn olardyń boıyna sińirip ósirý – basty maqsatymyz. Sondyqtan osy baıqaýda qyzdarymyz kóp bilip, óz bilimderin kóteredi dep oılaımyz.

Alına: Aıaýlym, endeshe saıysqa baǵyn synaıtyn arýlarymyzdyń boıyndaǵy naǵyz qazaq qyzyna tán qasıetterin saıys barysynda baıqaıtyn bolamyz.

Týǵan jer azamattyń mekeni eken,
Kimderdiń baǵy janyp jetedi eken?
Namysty bermeý úshin qoldan ózi
Minekı, Arýlar da synǵa túsedi eken.....
Sizderge sálem berip kórinýge, Arýlar sahnaǵa shyqsyn endi.- demekshi arýlarymyzdy qoshemetpen shaqyraıyq.
( Arýlardy jigitter qoshemetpen qoldap, birinen keıin biri ádemi, syzyla basyp sahnaǵa shyǵyp, ortaǵa qatar - qatar kelip tura bastaıdy. Jigitter qaıtadan shyǵyp ketedi. Osy kezde «Men qazaqtyń qyzymyn» ániniń áýeni oınalyp turady. )

Aıaýlym: Birinshi arý ---------- aqsha mańdaı, úlken - kishi maqtaǵandaı,
Alına: Ekinshi arý - -------------- óz álinshe, jaqsylardy jaqtaǵandaı,
Aıaýlym: Úshinshi arý - -------------- dostaryn sary altyndaı saqtaǵandaı,
Alına: Tórtinshi arý - ------------- kóńildi, syny joq, oqýyn da dattaǵandaı,
Aıaýlym: Besinshi arý - ------------------ ajarly, aqsha betti uqsaǵan jumaqtaǵy hor qyzyna,
Alına: Altynshy arý – ---------------- erkin basyp, shekesine úki taqqan.

Aıaýlym: Jetinshi arý - İzbasar Aqerke Úlgili qyz bul ınabatty.

Alına: Segizinshi arý – qarsy alaıyq... Baqytjan Ǵazıza san óneri bar búgin kórseter

Alına: Saıysta baq synalar, bap synalar,
Bas júldeni ónerli, tapqyr alar.
Kim ónerli, kim tapqyr, sheshý qıyn,
Qazylar alqasy bolmasa nyq synalar. Saıysymyzdyń ádil baǵasyn beretin qazylarmen tanystyryp ótsek. Ár saıys 10 upaımen baǵalanady.
Qazylar alqasy: ----------------------

Aıaýlym: Saıysymyzdy bastamas buryn baıqaý shartymen tanystyryp ótsek.
Saıys kezeńderi: 1. «Men qazaqtyń qyzymyn» ózin tanystyrý, sálemdesý.
2. «Halqyn súıgen - saltyn súıer» salt - dástúr, ádet - ǵuryp, jón - joralǵy jóninde suraqtarǵa jaýap berý.
3. «Qol óneri» úı tapsyrmasy.
4. «Myń buralǵan qazaq qyzy - men bolamyn» óz ónerlerin kórsetý (án, bı, kúı, taǵy basqa)
5. «Ónerli órge júzer» qyz týraly, salt - dástúr týraly maqal - máteldi jalǵastyr.
6. «Báıge» dep atalady. Bul bólimde arýlarymyz ózderiniń shapshandyǵy men pysyqtyǵyn kórsetedi.

Alına: Aıaýlym arýlarymyzdy shaqyraıyq birinshi saıys «Men qazaqtyń qyzymyn» tanystyrý

Aıaýlym: Saıystyń tanystyrýyn bastaıyq,
Kórermendi bir serpiltip tastaıyq
Saıyskerler tanystyrsyn ózderin
Bilgirlerdi dý qol soǵyp qostaıyq. Aldaryńyzda birinshi nómirli arýymyz Nurjan Nuraıdy qarsy alaıyq.
Men qazaqtyń qyzymyn (qyz syny baıqaýynyń senarıi) júkteý