InfoHub Logo

Bilim berý salasy: tanym, áleýmettik orta,
UOİÁ: Qorshaǵan ortamen tanysý, ekologıa,
Taqyryby: Meniń otanym - Qazaqstan!
Maqsaty: Otanǵa, týǵan jerge, elge degen súıispenshiligin arttyrý. Qazaqstan Respýblıkasynyń jer kólemi týraly túsinik berý, elimizde óndiriletin qazba baılyqtardyń qaı jerden shyǵatyny týraly bilim berý, rámizderdi bilýge úıretýdi jalǵastyrý, sózdik qorlaryn, oı - órisin damytyp, durys sóıleýge jattyqtyrý. Óz Otanyn súıe bilýge tárbıeleý.
Kórnekiligi: Slaıd, karta, eltańba, tý, shańyraq, dalada ósip jatqan qyzǵaldaqtar, úı janýarlardyń tólderimen sýreti.
Bılıngvızmi: Otan – Rodına, eltańba – gerb, ánuran – gımn, týý – flag

Shattyq sheńberi
Kúnniń kózi ashylyp,
Kókke shýaq shashylsyn.
Qutty qonaq kelipti,
Tórimizge enipti.
Amandasý úlkenge,
Tárbıeniń basy ǵoı -
Al qanekeı bárimiz
Sálem deıik úlkenge!
(3 tilde amandasý)
- Balalar qazir qaı mezgil?
- Kóktem mezgili.
- Kóktem mezgilinde neshe aı bar? Qazir qaı aıy?
- Kóktem mezgilinde 3 aı bar. Qazir mamyr aıy.
- Mamyr aıynda qandaı ózgerister bolyp jatyr?
- Kún jylyp, jer býsanyp, ósimdikter ósip, gúlder qulpyrady. Tól kóbeıedi, óriske shyǵady. qustar uıa salyp, balapan shyǵarady. Mamyr aıy kóktemniń eń sulý shaǵy.
- Jaraısyńdar balalar! óte jaqsy.
- Balalar biz qaı elde turamyz?
- Qazaqstan Respýblıkasynda.
- Jaraısyńdar balalar biz Qazaqstan Respýblıkasynda turamyz, ol - bizdiń Otanymyz. Otan – Rodına. Otan týraly qandaı taqpaqtar bilesińder?

Otan týraly taqpaqtar:
Z. Temirlan: Otan tarıh, Otan – til
Jasaǵan eliń, er halqyn
Otan - ólkeń, Otan – jyr
Kótergen kókke el dańqyn

Sabına: Baıtaq dala - týǵan jerdiń,
Qymbat maǵan ár tasy
Ózen - kóli, sama jeli
Asqar taýy, barshasy.

Arýjan: Altyn dándi dalasy bar,
Aq kúmisteı qalasy bar.
Netken sulý, netken kórkem
Osy meniń týǵan ólkem.
Balalar Otan týraly qandaı maqal - mátelder biledi ekensińder tekserip kóreıik. Oıyn: «Jalǵasyn tap». Men bastaımyn, al sen qostaısyń.
- Otan ottan da ystyq.
- Otansyz adam - ormansyz bulbul.
- Otan – eldiń anasy.
- Otan úshin otqa tús, kúımeısiń.
- Otanym - altyn besigim.
- Esik qaǵyp Saıahatshy kiredi qolynda Qazaqstan Respýblıkasynyń kartasy bar. Balalar men ómir boıy barlyq jer sharyn kezip kelemin, al sizdiń elde bolmappyn. Siziń elmen jeri men qalalaryn bilgim keledi. Maǵan kómektesesińder me? IA.
- Al endeshe Sizdi bizdiń elmen, qalalarmen tanystyraıyq.
Kartamen Jumys:
- Bul bizdiń týyp ósip kele jatqan Otanymyzdyń, Táýelsiz, Egemendi elimizdiń, Qazaqstan Respýblıkasynyń kartasy.
- Qazaqstan jeri keń, ásem, ádemi. Munda kóptegen qalalar bar. Onda kóptegen halyq ókilderi bar, olar óte tatý turady Orman, kólderi, taýlary, paıdaly qazbalary da bar. Endi, ár qalaǵa toqtalyp qandaı jer baılyqtary bar ekenin kóreıik.