InfoHub Logo

Meniń Prezıdentim
Maqsaty: 1. Oqýshylarǵa Prezıdentimiz N. Á. Nazarbaev týraly málimet berý, san qyrly talant ıesi, qudiretti tulǵa ekenin tanytý.
2. Elimizge eńse tiktetip, memleketimizdi myǵymdap bergen, halqymyzdy álemge tanytyp, alash balasynyń abyroıyn aqsaqtatqan Elbasynyń kisilik kelbetin meńgertý.
3. Otanyn súıýge, eljandylyqqa, eli súıgen Elbasynan úlgi alýǵa tárbıeleý.
Kórnekiligi: Elbasy sýretteri, ınteraktıvti taqta, beınerolıkter

Júrý barysy:

I. Uıymdastyrý kezeńi.
Psıhologıalyq ázirlik. Arnaıy reportaj kórsetiledi «Meniń Prezıdentim»
Muǵalim:
- Qazaqstan Respýblıkasynyń tuńǵysh prezıdenti Nursultan Nazarbaev Ábishuly sıaqty talantty tulǵanyń, halqyn súıetin ultjandy azamatty
bilmeıtin adam balasy joq. Alty jastaǵy baladan alpys jastaǵy qartta
amandyǵyn tilep, tileýles bolyp otyrady.
Prezıdent Nursultan Nazarbaev 1 jeltoqsandy «Qazaqstannyń Tuńǵysh Prezıdentiniń Kúni»retinde atap ótetin zańǵa qol qoıdy. Oǵan saı 1 jeltoqsan endi memlekettik resmı merekeler qataryna enedi. Bul bizdiń úlken qýanyshymyz, úlken jetistikterimizdiń biri. Endeshe «Meniń Prezıdentim» taqyrybyna arnalǵan synyp saǵatymyzdy bastaımyz.
El boldyq, erik aldyq astanaly
Endi kimnen qazaǵym jasqanady?
Táýelsiz memlekettin shejiresi,
Nursultannyn atymen bastalady.
Taqtaǵa «Nazarbaev » jáne «Qazaqstan» sózderi ilinedi. Bul eki sózdi bir - birinen bólýge bolmaıdy. Egiz uǵym. Nazarbaev desek Qazaqstandy aıtamyz, Qazaqstan desek aldymen Nazarbaevty aıtamyz. Solaı emes pe? Onda osy egiz uǵymdy sózdi sóıleteıik.
1 - top: «Qazaqstan» sózi boıynsha sóılep, jumystaryn qorǵaıdy (slaıd, beınerolık kórsetiledi)
2 - top - «Nazarbaev» sózi boıynsha sóılep, jumystaryn qorǵaıdy (slaıd, beınerolık kórsetiledi)
Ómirdiń sýdaı aǵyp ózegimen,
Keledi prezıdentter kezegimen.
Elbasy - Nazarbaev – egiz uǵym,
Jasaıdy máńgi birge óz elimen!

Muǵalim: Egemendi el bolyp, Táýelsizdiktiń kók baıraǵyn kótergen sáti – Qazaqstannyń ár azamaty úshin qýanysh, kól – kósir zor oqıǵa, tarıhtyń úlken betburysy bolǵany anyq. Ǵasyrlar boıy bostandyqty ańsaǵan qazaq halqy úshin bul shynynda da aıtyp jetkizilmeıtin mol baqyt, asyl armannyń júzege asýy edi. Osynyń bári elimizdiń tuńǵysh Prezıdenti Nursultan Ábishuly Nazarbaevtiń arqasynda! Búgingi synyp saǵatynyń sońynda sizderden Prezıdent degen kim? degen suraqqa jaýap alǵym keledi.
(oqýshylar bir sóılemmen nemese bir sóz arqyly jaýap beredi)
Muǵalim:
Qoryta aıtqanda, Nursultan Nazarbaev – ǵasyr tulǵasy, eliniń janyn uǵatyn, halqyn zamana kóshimen aman alyp kele jatqan qamqorshy. Aınalasyna nuryn tókken, jylý shashqan Nursultan Nazarbaevtaı tulǵalardyń qoǵamdaǵy alar orny erekshe. Elbasynyń bergeninen áli de bereri mol ekenine kámil senemin. Elbasyǵa tilerim kók týymyzdy bıikterde jelbiretý jolyndaǵy eńbegińiz jana bersin!
Aıdynbaeva Aıgerimniń «Elbasyna arnaý» atty kórkem sózi tyńdalady.
Barlyǵy:
Aqyl parasatymen, esti isterimen eline uıytqy bolǵan qazaqtyń kúre tamyryna nár bergen meniń Prezıdentim máńgi jasaı bersin!

Atyraý qalasy, № 23 orta mektebiniń
orys tili pániniń muǵalimi
Bozjıgıtova Lázzat Konakbaevna