InfoHub Logo

Meniń Prezıdentim! (shyǵarma)
Meniń kindik qanym tamyp, alǵash táı - táı basqan, alǵash «ana» dep kúlim qaqqan, apama erip qoı baqqan elim, kıeli jerim, ata meken – Jeruıyǵym bar. Halyq danalyǵy «Árkimge óz týǵan jeri – Mysyr shahary» dep bekerge aıtpaǵan.
Týǵan jerin jyrǵa qospaǵan, týǵan jeri jaıly tolǵanbaǵan aqyn - jazýshylar jer betinde joq shyǵar.
Qasıetti de kıeli elim! Seniń keń jazıraly tósińde elimizdiń san ǵasyrlyq shejiresin baıandaıtyn shynaıy da anyq, dáleldi tarıh jatyr. Tamyry tereńge boı tartqan sara jolymyzdyń «Táýelsizdik» atty babalar ańsaǵan, bizder qoldap, qorǵaǵan teńizde kósh jalǵastyrýy – bizderge, keler urpaqqa, berilip otyrǵan «baıandy baqyt» der edim.
Qazaqstan – keń - baıtaq ólke, ulan - ǵaıyr jerimiz tabıǵat resýrstaryna, shıkizat kózderine, tipti, baı. Bul erekshelikter «Táýelsizdik» atty qasıetti uǵymǵa qol ushyn jetkizýdiń bir baǵyty boldy, búginde biz basqa da damyǵan eldermen terezemizdi teńestirý jolyndamyz.
Bizdiń memleketimizde júzden astam ult ókilderi ómir súredi. Árqaısysynyń jaǵdaıyn oılap, basyn biriktirip, elimizde tynyshtyqty, beıbitshilikti saqtap otyrǵan Elbasymyz - Nursultan Ábishuly Nazarbaevtaı «baq atamyz» barda biz baqyttymyz, qazaqstandyqtar tatý - tátti ómir súredi.
Táýelsizdiktiń bet burǵan jolynda elimizdiń ulttyq rýhanı asyl qazynasy, ekonomıkasy, saıasaty, mádenıeti damyp, gúldenýde, biz sanaýly jylda adam aıtqysyz, aıtsa senbeıtin jetistikterge jetip otyrmyz. Eń bastysy – tilimiz memlekettik mártebesin alyp, ata - babamyzdyń rýhy bir serpilip qaldy, qasıetti amanatty ýystan shyǵaryp almaı, der kezinde tuǵyryna baǵyttaı, bekite bildik.
Elbasymyz Nursultan Ábishuly Nazarbaevtyń halyqqa arnalǵan Joldaýlary, elimizdiń órkendeý maqsatynda qalyptasqan atalmysh «zańdar» - halyqtyń turmys - tirshiligin, bolashaqqa degen senimin nyǵaıta tústi.
Esimiń Aı – álemge turaqtalyp,
Kelipsiń Saryarqaǵa jumaqty alyp.
Kózime kórinersiń jas Astana,
Esilge qonǵan aqqý sıaqtanyp, - degendeı, aspanmen talasqan záýlim «Báıteregi» bar Astana – búginde biz maqtanyshymyz. Sheteldikterdiń ortalyq Astanamyzǵa qyzyǵa qaraıdy.
Men – qanymmen, janymmen, arymmen, barymmen qazaqpyn. Men qazaq bolyp týǵanymdy erekshe bir sezimmen, sheksiz de shetsiz yqylaspen maqtan tutamyn. Qazaqstan atty qudiretti elim úshin, topyraǵy kıeli jerim úshin, jańa ashylyp kele jatqan qaýyzy qas - qaǵym sátte áp - ádemi gúl shoǵyna aınalǵan baqytty ómirimiz úshin de maqtanamyn.
Kógildir aspan. Kún shaıdaı ashyq. Záýlim kókte qyran qus qanatyn tike keń jaıyp, esh ýıamsyz qalyptap ushyp júr. Elimiz – tynysh, halqymyz – baqytty. Basqa keıbir elderdegideı lańkestik áreketterdiń bizdiń jerimizden múlde alshaq bolýyn biz, keler urpaq, halyq, barshamyz jappaı – turmaı tileımiz. Bul – Qazaqstanymnyń bolashaq belesteri dep túsinemin.
Elbasy Nursultan Ábishuly Nazarbaev halyqqa arnaǵan Joldaýyndaryndaǵy qasıetti, kıeli oılar respýblıkamyzdyń túkpir - túkpirinde iske asyrylyp, jandanýda. Biz birlik, yntymaq, baýyrmaldyq, tatýlyqtyń arqasynda ǵana – baqyttymyz. «Birlik bolmaı, tirlik bolmas», - degen danalyqtyń túp qazyǵy osynda.
Tarydaı bolyp kirgen altyn uıa - mektebimnen taýdaı bolyp shyǵatyn sát jaqyndaǵan saıyn aldyma qoıǵan maqsat - mindetterim aıqyndala túsýde. Qazaq atty elim barda, Nur aǵadaı elbasym barda men jańa ómir esigin senimmen ashamyn, alǵashqy qadamymdy nyq basamyn!
Elbasy Nursultan Ábishuly Nazarbaevtyń qoldaýymen ár jyl el damýyna erekshe oryn alatyn baǵyttarǵa arnalyp, tarıhymyh tarazylandy, birligimiz bekip, mádenıetimiz ósip, densaýlyq slasy nyǵaıyp keledi. Sol jaqsy úrdisti jalǵastyrý biz úshin perzenttik qaryz da paryz bolyp sanalady.
S. Muqanov atyndaǵy orta mekteptiń
11 synyp oqýshysy Qusaıynova Aqmaral Asylbekqyzy

Meniń Prezıdentim!
(shyǵarma)

Kózge kelgen ystyq jas ytqyp bir kún shyqpasyn,
Qynjylǵa tolǵan keýdeniń lyqsyp bir kúni shyqpasyn.
Qaıdan bilsin?
Bul qazaqtyń mańdaıyna torsyqtaı bir ul dúnıege kelmesin...
Aıdaı álemge Táýelsiz eldiń kók baıraǵyn jelbiretip turmasyn.
Shermende bolǵan sherli júrekterdi jyly júzben, meıirimge qat bolǵan,
Óz elinde ózimdiki deı almaı ózgelerge jaýtańdaǵan, jaltaqtaǵan qazaqtyń
Táýelsizdik tańy atty, kók kúlimdep, nuryn shashqan araılaǵan kún týdy.
Búgingi tańda eńsemizdi kóterip, táýelsizdiktiń kók týyn jelbiretip, etek – jeńimizdi qymtap, erjetken baladaımyz... ońymyz ben solymyzdy ajyratar tusta Nursultan Ábishuly Nazarbaev júrekke qatqan jarany aıaly alaqanymen emdeýde. «Kóregendi basshy el qamyn oılar bolar» - dep babalarymyz tegin aıtpasa kerek. Bizge bergen Allanyń syıy shyǵar. Júrektegi jaramyz jazylyp, ezýimizge kúlki úıiriltip HHİ ǵasyr tabyldyryǵyn nyq senimmen attadyq.
Bul kún – bilim, ǵylym zamany. Qaıda barsań «Qorqyttyń kóri emes», Men – qazaqpyn! Kóregen eldiń ulanymyn, qyzymyn jaýtańdamaı jaltaqtamaı aıta alatyn beıbitshilik zamany.
Bul ýaqytta memlekettik táýelsizdik dep qazaq halqy ult rýhynyń uran, ult perzentiniń qyran, jaý qolynda qalǵan saıyn dalanyń qaıtadan Turan bolýy dep bildi.
Búgin biz táýelsiz el dep Otanymyzdyń ıeli bolýyn, ana tilimizdiń kıeli bolýyn, ata tarıhymyzdyń júıeli bolýyn aıtamyz. Biz, búgin táýelsiz el dep kindik qanymyz Astananyń asqaraly bolýyn, ordamyzǵa qut bereke qonýyn, ult pen ulystardyń arasy yntymaqqa tolýyn aıtamyz.
Tilge shyqqan súıelden qutylatyn kún týdy,
Dinsizdiktiń tamyryna balta shabar kún týdy.
Óz elimdi, óz jerimdi aıdaı álem tanıtuǵyn kún týdy.
Qazaq degen el baryn, qazaq degen jer baryn biletuǵyn kún týdy.
Bunyń bári, bári de – Nursultan atamyzdyń arqasy.
Yntymaǵyn jarastyryp, qazaǵymdy aıranyńdaı uıytqan.
Ulttardyń, ulystardyń basyn qosyp,
Ózge elge úlgi bolyp, kóshbasshysy atanǵan – dep, maqtanyshpen jyr jazam.
Aqyl parasatymen, esti isterimen eline uıytqy bolǵan qazaqtyń kúre tamyryna nár bergen meniń Prezıdentim máńgi jasaı bersin!

S. Muqanov atyndaǵy orta mekteptiń
10 - synyp oqýshysy Merekeeva Zúlfıa
Meniń Prezıdentim! (shyǵarma) júkteý