InfoHub Logo

Meniń Qazaqstanym – meniń bolashaǵym. (tárbıe saǵaty).

İ. Meniń Qazaqstanym - meniń bolashaǵym.
«Óz Otanyńnyń patrıoty bolý
degenimiz – Qazaqstandy
jan - júregińmen súıe bilý»
N. Á. Nazarbaev
Maqsaty: Otandy súıýge, Otan aldyndaǵy boryshyn túsine bilýge tárbıeleý. Qazaqstannyń árbir azamaty óziniń súıikti Otanynyń qorǵaýshysy bolýǵa mindetti. Óskeleń urpaq bolashaqta bilimdi, otansúıgish patrıottary bolýy kerek.
Ádisi: Tarıhı - ádebı mýzykalyq kesh, áńgimelesý, suraq - jaýap.
Kórnekilik: Mýzyka aspaptar, rámizder, slaıd, gúl, sharlar sújetti fılm, tehnıkalyq quraldar.
İ Jeruıyq - altyn mekenim
İİ Erlikke taǵzym
İİİ Erlik – eldiń qasıeti,
Júrektilik – jigittiń qasıeti.
İÚ Laýla, laýla, jeltoqsannyń muzda janǵan alaýy!
Ú Búginimiz baıandy, bolashaǵymyz jarqyn

1 - júrgizýshi: Qaıyrly kún, qurmetti qonaqtar!
Armysyzdar, ardagerler lektegi,
Ómirleriń - erlik - kúres mektebi!

2 - júrgizýshi: Aıaýly da ardaqty ustazdar, bilimdi urpaqtar.
Búgingi sizderdiń nazarlaryńyzǵa «Meniń Qazaqstanym - meniń bolashaǵym» atty tarıhı - ádebı mýzykalyq keshimizdi usynamyz.
Ótegenin eskermegen óshedi,
Ótegenin qasterlegen ósedi,- demekshi, berer tálimi mol tarıhtyń kýágerleri búgin bizdiń ortamyzda!

1 - júrgizýshi: Men qazaqpyn myń ólip, myń tirilgen,
Jórgegimde tanystym muń tilimen.
Jylaǵanda júregim kún tutylyp,
Qýanǵanda kúlkimnen tún túrilgen.

2 - júrgizýshi: Men qazaqpyn, bıikpin, baıtaq elmin,
Qaıta týdym, ómirge qaıta keldim
Men myń da bir tirildim máńgi ólmeske,
Aıta bergim keledi, aıta bergim.
Qazaq eli sonaý Altaıdan Pıreınege deıin bılik etken er Edil batyrdyń eli. Qazaq eli – asqan batyrlyǵymen, aqyl – parasattylyǵymen Egıpet eline bılik júrgizgen Beıbarystyń, Úndini bılegen Bobyrdyń eli.

1 - júrgizýshi: 1723 jyl: Altaıdan Atyraýǵa deıin tynyshtyq ornatqan qazaq elin, jońǵar qalmaqtary shabýyl jasap qazaq halqyn qan jylatty, shubyryndy halyq aqtaban boldy. Alqa kólge aıaldap, qasıetti Qarataýǵa bas saýǵalady.
Án: «Elim - aı»
Bıler: Tóle bı, Qazybek bı, Áıteke bı. (Sahnada)
«Altaý ala bolsa, aýyzdaǵy ketedi,
«Tórteý túgel bolsa, tóbedegi keledi» Týǵan jerin turaqtaǵan tuǵyry berik el edik, irgemizdi iritpeıik, bir jeńnen qol shyǵaryp bir jaǵadan bas shyǵaryp, atam qazaqtyń abyroıyn saqtaıyq»- dedi Tóle babamyz.
2 - júrgizýshi: Kishi júzden kisiligin tanytqan Áıteke bı, Orta júzdiń ordasyn tikken Qazybek bı Uly júzdiń aqsaqal bıiniń bıligine bas ıip, eldi biriktirdi,

1 - júrgizýshi: Qaıran, qazaq eli! - Jas urpaqqa aıta almaǵan, jetkize almaǵan, jan dúnıeńdi dir etkizetin syrǵa, muńǵa toly tarıhı paraqtary qanshama áli. Oǵan kýá myna jatqan keń dala, zańǵar taýlar, ózen - kólder, myń buralǵan aǵashtar.
oqýshy: Qazaq jeri - qonaqjaı tóreler jeri,
Qazaq eli - qas qaqpaı erler eli.
Eli kedeı bolmaǵan - jeri baıtaq
Edil erdeı, Babyrdaı sherler eli
Qazaq jeri ónerli qasıetti
Qazaq deıtin halqymyz
Ózge ulttaı bizdiń de
Bar dástúr men saltymyz,
Egıpetti bılegen Beıbarystaı,
Eli tekti, kıeli, qasıetti.
Án: «Aýylym»

İİ Erlikke taǵzym. Slaıd. Fılmnen úzindi (1mınýt únsizdik)
1 - júrgizýshi: 1941 jyly maýsymnyń 22 - sinde fashısik Germanıa Otanymyzǵa opasyzdyqpen shabýyl jasady, elin, jerin qorǵaý úshin halyq maıdanǵa attandy, tyldy eńbek etti. «Bári de Otan úshin, bári de maıdan úshin, bári de jeńis úshin!» – basty uran boldy.
2 - júrgizýshi: Otanǵa jaý kenetten oq atqanda
Oıran salyp, baý - baqshany qıratqanda.
Jóneldi qyrshyn jastar qan maıdanǵa.
Aq nıetti, asyl maqsat alǵa bastar.

1 - júrgizýshi: Qazaqstandyqtar da ózderiniń qaharman halyq ekenin kórsete bildi. Osyǵan baılanysty 500 – ge jýyq Qazaqstandyq Keńes Odaǵynyń Batyry degen ataǵyna ıe boldy. Olardyń 98 - i qazaq. Keıbirýleriniń esimderin aıtyp keteıik: Talǵat Bıgeldınov, Tólegen Toqtarov, Álıa Moldaǵulova, Nurken Ábdirov, Mánshúk Mámetova, Baýyrjan Momyshuly. Álıa men Mánshúk qyzdardan dara shyqqan shyǵystyń qos shynary, dara tulǵalary.
Án: «Katúsha»
2 - júrgizýshi: Qurmetti jınalǵan qaýym, bizdiń Jańajol aýylynan 1941 - 45 jyldardyń aralyǵynda 88 azamat soǵysqa atanyp, solardyń 55 - ine týǵan jerdiń, eldiń bir ýys topyraǵy buıyrmaı, maıdan dalasyndaǵy jaýmen qandy shaıqasta qaza tapqan.

1 - júrgizýshi: Aýyl azamattary Otandy qorǵaı otyra fashızimniń jolyn kesip urys dalasynan saǵynyshty óleń joldarymen hattar joldaǵan, sol hattardyń legi bizdiń elge de kelgen. Sonyń bir - ekeýin oqyp bereıik.
Seıtenov Qajyqannyń jazǵan haty.
Shet jerde uly maıdan bolyp jatyr,
Maıdanǵa ketken adam tolyp jatyr.
Beınet pen mehnatty kórip jatyr,
Jalǵyz em, bir ákeden Qajyqan atym.
Dám jazyp men shyqtym oń saparǵa.
Artymda Aımýshka men Shuǵaı atty qulynym qaldy.
Kim biler aldaǵy istiń ne bolaryn
Habar joq endigisin óziń oıla!
Oqýshy: Óleń «Ardagerler»
2 - júrgizýshi - Súıinshige, súıinshi!
Shattan, ata – anamyz,
Shattan, ata – babamyz,
Kek qaıtaryp fashısen,
Soǵys bitti Jeńispen
Jeńdik jaýdy kúreste
Jasasyn toı – mereke
Án: Jeńis kúni (Áskerı marsh)

İİİ Erlik - eldiń qasıeti, Júrektilik - jigittiń qasıeti.
Aýǵan jaýyngerleriniń gımni, slaıd
Bıyl 15 aqpanda keńes áskerleriniń Aýǵanystan jerinen shyǵarylǵanyna 23 jyl toldy. Bul az ýaqyt emes. Aýǵan soǵysynyń qasiretti kimderdiń júregin jaralamady deseńizshi. Azamattyq boryshyn atqarýǵa áskerge ketip, tabytpen oralǵandary qanshama? Qazaqstannan 22269 jaýynger bardy. Olardyń 924 - i erlikpen qaza tapty, 21 adam habar - osharsyz ketti, myńdaǵan jigitter elge múgedek bolyp oraldy. Qazirgi tańda aýylymyzdyń ınternasıonalıs - jaýyngerleri Hamzın. K., Seıfıev O., Koshegalın B. Eldiń bir - bir jaýyngerleri.
2 - júrgizýshi: Bilemiz, jas ósedi, týady erler
Jolyn qýady erler
Týmaıdy, sizderden soń, týmasyn - aq
Soǵys degen sum tajalǵa kýágerler!
1 - júrgizýshi: Aqqýlardaı asyqqan móldir kólge,
Soǵystyń azabyn jeńdińder me?
Tuńǵıyqtyń túbinen shyqtyń búgin,
Týǵan jerge, aǵalar, keldińder me?
Asa qadirli qonaqtarymyz, ardager aǵalarymyz bizdiń aýylymyzdyń ınternasıonalıs – jaýyngerlerimiz, aýǵan soǵysynyń ardagerleri: Hamzın Kemel, Seıfıev Oral, Koshegalın Baqyt, sizderge myqty densaýlyq, uzaq ǵumyr, otbasylaryńyzǵa baqyt tileımiz.(Estelik syılyqtar tapsyrý)
Án: «Sarbazdar»

İÚ.«Laýla, laýla, jeltoqsannyń muzda janǵan alaýy!» (slaıd «Jeltoqsan oqıǵasy»)
2 - júrgizýshi. 1986 jyl jeltoqsan atty oqıǵa boldy. Eldiń egemendigin ańsaǵan jastar alańǵa shyqty Jeltoqsan jeli daýylǵa aınaldy. Órtteı qaýlaǵan ójet jastar ulttyq namys qudiretin álemge pash etti.
1 - júrgizýshi: Qazaq jastarynyń qarsylyq sherýi Táýelsizdik alýymyzdyń birden – bir sebepshisi boldy.
2 - júrgizýshi. Bul jeltoqsan kóterlisine qazaq el aýzynda júrgen, tarıhta aty qalǵan Qaırat Rysqulbekovty, Sabıra Muhamedjanova Erbol Sypataev, Lázzat Asanova jáne taǵy basqa apalarymyz ben aǵalarymyz qatysty.
1 - júrgizýshi: Ozbyrlyq kúshpen tunshyǵyp ----
Úmittiń oty óshken kún.
Janyna tappaı bir shyndyq,
Er qaırat qyrshym ketken kún!
Oqýshy: Qaırat Rysqulbekovtiń aqtyq sózi
2 - júrgizýshi: Óser uldyń ár sátte de birlik bolmaq qalaýy
Laýla, laýla, jeltoqsannyń muzda janǵan alaýyİ
Ózderińdeı er namysty jas órkeni bar eldiń
Eshqashanda eńkeıýge tıisti emes jalaýy!!!
Án: «Jeltoqsan jeli»

Ú. Búginimiz baıandy, bolashaǵymyz jarqyn (slaıd)
1 – júrgizýshi: Asqar taý da seniki,
Baqsha baý da seniki,
Qaltqysyz dospenen
Qatal jaý da seniki.
1991 jyly qazaq halqynyń tuńǵysh ǵaryshkeri Toqtar Áýbákirov ǵaryshta erlik kórsetti.
1 - júrgizýshi: 1994 jyly 10 maýsymda qazaq halqynyń ekinshi qyrany, ǵaryshker Talǵat Musabaev aspan kógine alty aılyq saparǵa attandy.
2 - júrgizýshi: Keldi mine erlikti baǵalar kúni,
Arýaǵy qoldady babalardyń,
Ǵarysh sharlap oraldy Toqtar batyr
Muratyna ıe bol, balalarym!
1 - júrgizýshi: Ótip eldiń talaı synaq azaptan,
Atty aqyry azat bolyp ǵajap tań
Baqytty el barma eken qazaqtan
Egemen bolmaı – el bolmas,
Endi qazaq kem bolmas.
Oqýshy: Halqymnyń júrek qanyna sińgen aq nıet,
Atadan mura balaǵa qalǵan ósıet.
Jıyrma birinshi ǵasyrǵa kirdi, erkin el!
Rýhy qaısar, tórinde bıik – qasıet!
Ǵajap elim – ǵaryshqa joldy tastaǵan,
Qaharman elim erjúrek qoldy bastaǵan!
Danyshpan elim – jaralǵan ar men namystan,
Aspandap bıik – jaınasyn týym Astanam.
Baqytym, baǵym – Qazaqstanym, – Qazaǵym!
Ómirińdi óshpesteı tasqa jazamyn.
Sharyqtasyn Babanyń bergen tilimen,
Atameken jerinde ǵajap óz ániń!
Án: «Óz elim»
2 - júrgizýshi: Búgingi kúni elimizde sporttyń damýyna erekshe kóńil bólinip otyrǵany belgili. Álemde ótip jatqan dúbirli dodaǵa sportshylarymyz tek qana jeńis tuǵyrynan kórinip, kók baıraq týymyz jelbiretip, án uranymyzǵa asqaqtatyp Qazaqstandy álemge tanytty. Olımpıada maqtandyrǵan, shattandyrǵan juldyzdar.
1. Aleksandr Vınakýrov Qazaqstandyq veloshabandoz 250 shaqyrymdyq toptyń jarysta altyn medaldan olımpıada chempıony.
2. Zýlfıa Chınshanlo aýyr atletıkadan olımpıada rekordyn jańartyp, altyn medal aldy.
3. Maıa Maneza aýyr atletıkada Olımpıada rekordyn jańartqan altyn medal aldy.
4. Svetlana Podabedova – aýyr atletıka Olımpıada chempıony atandy.
5. Ilá Ilın aldyna jan salmaǵan, aýyr atletıkada eki ret álem rekordyn jańartty, altyn medal jeńip aldy.
6. Olga Rypakova úsh qarqyp sekirýge shyǵyp, altyn medal jeńip aldy.
7. Serik Sápıev boksshy altyn medal aldy.
Qyzyljar qaharmany.
Kep jatyr Vınokýrov altyn alyp,
Jetýge bul ataqqa janyn salyp
Eki júz qyryq segiz shaqyrymda
Top jarǵan týmamyz ǵoı bul bir alyp!
Qýanyp bórkimizdi aspanǵa attyq,
Erekshe keýdemizdi kernep shattyq,
Kórgende kók baıraqty kóterilgen,
Tolqydyq, kózimizge jas ap jattyq
Aıalap týǵan jerdiń atar tańy
Ardaqtap kári – jastyń jatar bári
Ózińdi tóbemizge kóteremiz,
Týsań tý, Qyzyljardyń Qaharmany!

1 - júrgizýshi: Samǵa, qazaq, Táýelsizdik kóginde,
Rýh – jigeriń taýsylmaıtyn ómirde.
Abyroımen jelbiresin jalaýyń
Altyn tuǵyr – Astananyń tórinde
2 - júrgizýshi: Ata - baba janyn qıyp qorǵaǵan,
Aq tilegin urpaǵyna arnaǵan
Qazaqstan - altyn uıa Otanym
Jaınaı bershi, máńgi gúlden árqashan!
Án: «Atameken»