InfoHub Logo

Atyshýly ánshi Qaırat Nurtastyń jary, aktrısa Juldyz Ábdikárimova Dınara Sátjannyń baǵdarlamasynda óziniń jeke ómiri jaıly syr shertti. Ásirese, enesimen birge turǵan 10 jyldyq kezeńde qandaı tárbıe alǵany týraly aıtqan áńgimesi kópshiliktiń qyzyǵýshylyǵyn týdyrdy.

Bul týraly Infohub.kz aqparat agenttigi habarlaıdy.

Ene men kelin birge úırendi

Juldyz Ábdikárimova óziniń 38 jasqa kelýge sanaýly kúnder qalǵanyn aıtyp, eniniń dál osy jasta kelin túsirgenin eske aldy. Bul jaıt ony óziniń ene bolýǵa daıyndyǵy týraly oılanýǵa ıtermelepti.

«Men ózimdi ene bolýǵa áli daıyn emespin dep esepteımin. Al enem jas kezinde ene atanǵan. Biz birge «ene» men «kelin» bolýdy úırendik. Bir-birimizdi qoldap otyratynbyz. Enem «mynany iste, anany iste» dep buıryq berip otyrmady. Kerisinshe, óziniń is-áreketimen kórsetip, birge júrip úıretti», - deıdi Juldyz Ábdikárimova.

«Qarmaq berdi, balyq emes»

Aktrısanyń aıtýynsha, ata-enemiz olarǵa tek tárbıe berip qana qoımaı, ómirge baýlyp, durys jol kórsetken. Qonaqjaılylyqty da úıretipti.

«Úıimizge qonaq úzilmeıtin. Jaz boıy týystar kelip jatyp ketetin. Jalpy ata-enemniń bergen tárbıesi shyn nıetterine baılanysty boldy. Olar bizge balyq bergen joq, balyq aýlaýdy úıretti. Iaǵnı, «qarmaq» berdi. Sol kezde osyndaı tárbıe alǵanyma esh ókinbeımin, kerisinshe alǵys aıtqym keledi», - dep túıindedi sózin Juldyz Ábdikárimova.